تاريخ الاضافة
الجمعة، 17 يناير 2014 04:51:00 م بواسطة ماجد بن خرصان
0 168
النصيحه
ياصاحبي هذي نصيحه وانا اخيك
واسمع كلامي ياعسى الرب ياقاك
ماكل من يضحك بوجهك ..يصافيك
وماكل من . . .. كشّر بنابيّه عاداك
والصاحب الغاوي. ...يذلك ويغويك
والصاحب الوافي ينبهك ل اخطاك
الخـوه الفسلـه . . . . ..تبيّن ترديـك
والخوه اللي كفو . . . ترفع مزاياك
وامك تطاوعها ... .ولا تعصي ابيك
اللي تعـب لجلـك. . . وعانـا وربـاك
اللي ....سرى عتم الدروب المهاليك
كله على شانك . . . وتحقيق مُنياك
واخيك ... .لو يقسى عليك ويماريك
لا تشتمه وتصد . . .لو زاد حاكاك
خوفه عليك . ... من المخاليق تاذيك
لا شانت فعولك . . وذكرك وطرياك
وعيال عمك . . لو حكت في مباديك
ماهي تشك بوقفتك .. . يوم تنخاك
حذرى تتشمت به ..على هذي وذيك
والا تعذرب طبعه . . . لكل من جاك
واحذر ..تقصر في صلاتك ويعميك
ابليس ..عن نورً غشا درب ممشاك
يخليك تتبع اثر مشيته . . . ويجيك
في كل دربً . . فيه ودك ومشهـاك
اعمل . . . وكن الموت قد هو متلويك
وازهد . . . ولا تهتم . .لامور دنياك
الحسنه افعلها . . . . تراهـا تبديـك
والسيئه ماهي . . . تعزك وتزهـاك
إسم الشاعرإسم الكاتبالبلدإسم القسمالمشاهدات
ماجد بن خرصانماجد بن خرصانالسعودية☆ دواوين الأعضاء .. الشعر العامي168
لاتوجد تعليقات
جميع الحقوق محفوظة لبوابة الشعراء .. حمد الحجري ©