تاريخ الاضافةتاريخ التعديل
السبت، 18 يناير 2014 08:28:17 م بواسطة عبد العلي فيلالي بالحاجالأحد، 19 يناير 2014 11:43:49 ص بواسطة عبد العلي فيلالي بالحاج
0 219
حكاية عيون
قالت ما نقولكش وصف زيني
انا يا حنيني عليك نخاف
يقدك وايلا تقدر توصف عيني
غير عيوني وعليك بزاف
قلت نشوف ونحيد لخوف
هما غير عيون والموت تهون
لقيت ليل ونجوم وسكون
ولغة وكلام ماشي معروف
حاولت نفسر لكلام كلمة كلمة
اللون يقولي ماشفتي فحالي عينين
ولشفار تقول لي اختار لحكمة
وباش تشوف بحالي على فين وفين
لي خلقني موصوف بالرحمة
وانا مانرحم عاشق وخا مرضي الوالدين
عيون ما عرفت هواها من ماها
حرت نوصفها وفيها سر مكتوم
فيها نظرة تبوح بغرامها وبهواها
وتشكي حال لي هو محروم
خدات من لغزال والضبي والمها
فيها سحر فتان وخمر مختوم
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. الشعر العامي219
لاتوجد تعليقات
جميع الحقوق محفوظة لبوابة الشعراء .. حمد الحجري ©