تاريخ الاضافة
الأحد، 19 يناير 2014 10:49:31 ص بواسطة طلال حمود الاسلمي
0 250
اقف على درب المحبين
آقف على درب المحبين وأذكرك
لا بالله أتعب بالمشاوير ذكراك
طيفك دفى عيني وعيني تسامرك
في ليلها تضوي دموع ٍ تحرّاك
ياما ذرفت ازرق على خدّ مسهرك
وانا انتظر لقياك يا عين لقياك
تعكس دموعي صورتك يوم صوّرك
ولدّ عيني صوب دار ٍ تبنّاك
أحبّك وتشهد جوارح تباشرك
في حضنها تبكي من الشوق بقصاك
مالي ومال الناس لا شفت عابرك
به تبتسم دنياي تشتاق دنياك
قرّب على نار الغلا لين يغمرك
نعسة جفونك لا منامك تبلّاك
صدري وسادة ورقدي لين تشعرك
بانّك شبعتي من حنان ٍ تمثناك
لا تسألي غفوة رموش ٍ تكبّرك
مع كلّ غمضة عين تصرخ وتلقاك
عن نومها بالليل والصبح باكرك
والليل برد ٍ من عراياه يكساك
ملّيت من طول الصبر شوف شاعرك
جروحه النيّه بلاها التهلّاك
يا جرح مبطي بالحنا لحظه اشكرك
طعنتك بيّن وسمها لو تخفّاك
وانا صغيّر لكن الشوق عمّرك
ألبس شماغ الشيب والراس عدّاك
إسمع كلامي لو كلامي يشهّرك
ما همّني قولت قصيده بمرماك
همّي ورود العرس بالنور تنثرك
وأجلس على جال الحزن فوق مرقاك
لله عيوني بالنظر لو تجمّرك
تشوف غيرك والفرح يوم عيناك
إسم الشاعرإسم الكاتبالبلدإسم القسمالمشاهدات
طلال حمود الاسلميطلال حمود الاسلميالسعودية☆ دواوين الأعضاء .. الشعر العامي250
لاتوجد تعليقات
جميع الحقوق محفوظة لبوابة الشعراء .. حمد الحجري ©