تاريخ الاضافة
الثلاثاء، 21 يناير 2014 06:32:10 م بواسطة أشرف فايز
0 204
أرفضيه
اللي مايموتشي عشانك
يبقى مايعيشي ف أمانك
اللي شكك في إيمانك
أرفضيه
اللي ماحبش ترابك
واللي وقت الشده سابك
للغريب وفتحله بابك
أرفضيه
اللي كاره يوم نجاحك
واللي بيعكر صباحك
واللي بيكسر سلاحك
أرفضيه
اللي خان ملحك وعيشك
واللي بينتف في ريشك
واللي بيهدم في جيشك
أرفضيه
اللي قبضك في مظاهره
واللي شربك كاس في سهره
واللي بادلك بالمصاهره
أرفضيه
أرفضي كل اللي باعك
واللي شارك في خداعك
واللي بيلوي في دراعك
أرفضيه
0000
2013/12/28
إسم الشاعرالبلدإسم القسمالمشاهدات
أشرف فايزمصر☆ شعراء العامية في العصر الحديث204
جميع الحقوق محفوظة لبوابة الشعراء .. حمد الحجري ©