تاريخ الاضافةتاريخ التعديل
الثلاثاء، 21 يناير 2014 06:33:00 م بواسطة أشرف فايزالأربعاء، 22 يناير 2014 08:53:11 م
0 182
سِكة المجهول
ياسكتين ماشيين وخلف خلاف
مين الحقيقه الكامله و مين أنصاف
مين القتيل فينا ومين اللي اتقتل
ومين ماشافشي الحادثه أو مين شاف
ياسكتين مايوصلوش لطريق
يقدر يطمنا وف يوم يبل الريق
خلاص ماعدشي بنعرف الطعنه
اللي طعنها العدو ولا طعنها صديق
ياسكتين مافيهومشي ولا وصله
والعاده سوده وسيئه الخصله
ياسكتين مالهومشي أي دليل
ولا اتجاههم قادره تحدده بوصله
ياسكتين ووجعنا فيهم اتمد
ونار خلافكوا رافضه ليه تهمد
مين اللي نازل نفخ في شرارها
وبحسن نيه ولا كان دا بعمد
ياسكه رايحه وسكه مش رايحه
طالقين سهامكم ع الخطى طايحه
ياسكتين في الهم مشتركين
نفس الوجع كل السكك طارحه
8 يناير2014
إسم الشاعرالبلدإسم القسمالمشاهدات
أشرف فايزمصر☆ شعراء العامية في العصر الحديث182
جميع الحقوق محفوظة لبوابة الشعراء .. حمد الحجري ©