تاريخ الاضافة
الأربعاء، 22 يناير 2014 02:20:09 ص بواسطة سلطان عتيق الحربي
0 292
شموخ ذاتي
اشبع غرورك صد وابعد وخلك
ماهمني بعدك ولو طال فرقاك
خلك على حالك بما فيك كلك
عزة شموخي عيت اليوم تقفاك
والله لو طول بعادك بحلك
ماجيت لك داني وهذي سواياك
يمكن ليا قالو ترى مات خلك
اجيك وامشي في جنازتك وانعاك
افهم كلامي واعرف اللي وصلك
ماهو انا اللي ينكسر ويترجاك
لو كان حبك في خفوقي تملك
وكل هاجوس(ن)ليا مر طراك
ماتنكسر هامة عزيز(ن)يقلك
انا شموخي عزته فوق الافلاك
صحيح انا اللي بالوفا من عدلك
وياكثر ماتخطي وانا ادمح خطاياك
مجنون في حبك وحسنك ودلك
ومن اول اتمنى اقبل لك اخطاك
وياكثر ماودي اجيك بمحلك
وانسى البشر لاقمت اناظر شفاياك
من قلب لازال بغرامه يجلك
لاشك مايخضع لو انه تمناك
اتبع غرورك راح شمسك وظلك
ومن يوم طول صدك اليوم بعناك
هذي حروفي بالقصايد تدلك
شموخ ذاتي ماتهزه مزاياك
لاتوجد تعليقات
جميع الحقوق محفوظة لبوابة الشعراء .. حمد الحجري ©