تاريخ الاضافة
الأربعاء، 22 يناير 2014 11:37:12 م بواسطة سلطان عتيق الحربي
0 374
صمت الشفايف
ماينسي من غاب وابعد عن الشوف
والقلب به شوقه وطيفه ولايف
عيني على فرقاه تبكي من الخوف
تبكي وقلبي من عنا البعد خايف
البعد سيفه ينحر الحال والجوف
سلة سيوف البعد جابت كلايف
الهم والهوجاس والعقل مخطوف
والليل وعيوني وصمت الشفايف
مالي عزى ياكود ابيات وحروف
اوصف بها حالي واخفي وصايف
ياما كتبت حروف والقلب ملهوف
يطرب بها قلبٍ من الهم كايف
حتى كفوفي تنتظر لمسة كفوف
منهو يزيل الهم بين النحايف
هذي ترى يومين والحال مشغوف
يومين مرت بين حزن وحسايف
دقايقٍ مرت كما عام مكلوف
مرت وفيها هموم ثقل النوايف
يلي تفكر غيبتك شي مخلوف
ترى الخلف فيكم خسارة نكايف
اكتب وانا حرفي به الصدق معروف
تقراه عين اللي به الحب صايف
لاتوجد تعليقات
جميع الحقوق محفوظة لبوابة الشعراء .. حمد الحجري ©