تاريخ الاضافة
الجمعة، 31 يناير 2014 06:48:48 ص بواسطة سلطان عتيق الحربي
0 261
طمن خفوقك
طمن خفوقك مانوى القلب ينساك
لاوالذي حط المحبه في روحي
القلب يشكي بعدكم ويترجاك
تسمح لمن حظه قصر بالشروحي
اقفى وفي الخاطر ترى شي ماجاك
شيٍ عظيمٍ ساكنن مايروحي
واعرف ترى حظه قصر يوم فرقاك
خانه وهو صادق وكله وضوحي
ولاتحسب ان الحب شوفة محياك
او اللقا في الحب يبني صروحي
ياكم خاين شاف ذولا وذولاك
لامر اسمه عاد ذكرى الجروحي
اما انا لن مر بالبال طرياك
يستانس الخاطر وتطرب لبوحي
تقرا حروفي وإتبّسم شفاياك
وامر في بالك بحلو المزوحي
مهما حصل ماخون حبك وذكراك
وانته معي عايش وطيفك يلوحي
يابو عيونن سود صعبه مزاياك
وصعبٍ علي اوصف ولو زاد نوحي
احساسي اللي وافيٍ دوم لرضاك
مازعزعه بعدك يا غاية طموحي
ولاتغيرني صواديف وانساك
يلي بوصلك صار وقتي شحوحي
اقفيت يوم ان القدر خان لقياك
والشوق في صدري حصانه جموحي
ارسلت يمك جملة ابيات تنصاك
ارجوك تقبلها بخاطر سموحي
لاتوجد تعليقات
جميع الحقوق محفوظة لبوابة الشعراء .. حمد الحجري ©