تاريخ الاضافة
الجمعة، 31 يناير 2014 06:59:01 ص بواسطة سلطان عتيق الحربي
0 171
فصلة الفيش
لاوالله الا راح وقتي على ماش
عمرٍ قضيته بين طيبٍ وتطنيش
نعطي ولانطلب وفا حاضر وكاش
واليا عطينا مانتظرنا المطاريش
مانخلف الموعد ولانعضي اللاش
وشلون راع الطيب وش عاد او ليش؟
عشنا وشفنا بالبشر حال الاوباش
واليا حكينا قالو \" الملح والعيش \"
اصبر وماناشك سوى \"طل\" ورشاش
غيرك ترى اعظم وانت مع هبة الريش
اللي يشوفك قال : بالوقت ماعاش!
والبعض منهم حط بالراس تشويش
عشان يطلع قايل الحق حشّاش
اما بلا وعيه او انه من الطيش
تشكيك باسلوب ودنائات غشاش
مجّمع عليه الكل من غير تفتيش
أتعدي وسومه عن وهوم ونهاش
من غير ماثبت باطل الزور بالديش
دامه يجامل بالحقايق ويعتاش
للباطل تشاهد منافق ودرويش
والحق ماله صوت لو باطله طاش
جامل وخل الوضع لو فيه تحريش
هذي حياة اللي كما فاس قراش
صكات بقعا والصبر بالعه خيش
واللي خلا قلبه من الهم ماحاش
مثلي ولايعلم سبب قفلة الشيش
يامن جهل بالحال والوضع بانعاش
مدام باقي روح لابد باعيش
ماهد عزم شعيل من طاح بفراش
ولاتنّثني ساقه قبل فصلة الفيش
لاتوجد تعليقات
جميع الحقوق محفوظة لبوابة الشعراء .. حمد الحجري ©