تاريخ الاضافةتاريخ التعديل
الثلاثاء، 4 فبراير 2014 09:28:42 ص بواسطة جمال نصيرالثلاثاء، 4 فبراير 2014 07:34:47 م
0 192
فنجان شاى
قلت هتشربى شاى من إيدى؟
قالت وحدى أنا أسويه
أيه نوع شايك؟عادى!!مسكر!!
قلت يسكر لو تدوقيه !!
***
رحت أدور على فنجانى
جوا عيونها لقيت شيئ تانى
شفت جداول مية فى جنة
شفت فى عينها النور ربانى
***
شفت السحر جريت .. طبيت
سقط القلب فى رجلى بكيت
قلت لقلبى خلاص .. حبيت
سكت القلب وقالى ..ياريت
***
قال دى جميلة بشكل غريب
قلت إتلم يا قلب عجيب
قال خلينى أعيش لو مرة
وأحلم وألقى بجد حبيب
***
قلت فى نفسى دا لازم أعاقبه
توبة يبص فى عين غزلان
سجن الوحدة أكيد اريح لى
أصلى أمام الحسن .. جبان
***
ياما وقعت فى بحر عيون
بس دا بحر شيطان .. مجنون
تغرق ..تطلع تانى ونفسك
تغرق فيه..وتعيش مسجون
جمال نصير
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. الشعر العامي192
لاتوجد تعليقات
جميع الحقوق محفوظة لبوابة الشعراء .. حمد الحجري ©