تاريخ الاضافة
الخميس، 6 فبراير 2014 08:05:49 م بواسطة محمد بن عمار
0 173
غربة مشاعر
ضّمي كفي يالحبيبة في يمينك صافحيني
أنقذي بضمّـة حنانك روح بتفارق بدن
نبض قلبك هزّ جسمي من تشابكنا اليديني
وجددّ لذكرى الحنين وصحبة أيام ٍ خلن
قلبّ آلام المواجع وهج نورك بالجبيني
بعد ماإغتال الهجر نور الأماني اللي بقن
والله إني محترق من نار نورك صدقيني
وإرتحلت بصحبة الآميٍ مع آمالٍ غدن
رحلتي غربة مشاعر رافقت صرخة أنيني
مع صدى الآهات تاهت وأصبحت غربة وطن
من بعد ما أقصت رياح الياس منطاد السنيني
الرجاء أشعل شموع ٍ في سماء عمري طفن
في غلاك القلب يانور النظير أصبح رهيني
والمشاعر، لو تطيلين النظر فيني ، حكن
طلعتك ، قبلة حياة ٍ كلما أغرق ، تنقذيني
وبسمتك نبضة أمل للي بقا لي من شجن
ثارت العبرة تفاعـل مع دموع ٍ نازليني
لسّلة سيوف ٍ بعينك ، يوم لدّيتي ، سطن
وإرتفع موج العواطف واصل ٍ منسوب عيني
ونظرتي في ساحل عيونك مراكبها رسن
إستقرن في ضفاف الرمش وبيّحت الكنيني
وبادلتني ،، بالتحايا ، مثل ترحيب لقن
كم لي أشكي من معاناة المفارق إرحميني
مشغل أفكاري خيالك وين ما يسري سرن
شقتّ الأفراح سترة غيمة الوجد السجيني
وسالت الشمس بشعاع أطياف لعيوني غشن
وثار منقوض ٍ تطاير فوق متنك خصلتيني
تلعبين ابهن قبالي ، والعقل خطر ٍ يجن
زاد من حرقة خفوقي سحر لحظك ياضنيني
وجمرتين ٍ تشتعـل من خاتم المبسـم بدن
كيف ياشهلا الكواحل ، عيا قلبك لايليني
والعواطف كلما ، جيتي على بالي ، بكن
ويش قصدك ياحياة الروح ، يوم تعذبيني
وأنتي ماقبلك بوسـط القلب إنسانٍ سكن
في مراتع واحة الذكرى بقلبك إرسميني
وإنقشيني قلب مجروح ٍ وله سهمك طعن
القصيدة غزلية بحته تتحدث عن نفسها
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. الشعر العامي173
لاتوجد تعليقات
جميع الحقوق محفوظة لبوابة الشعراء .. حمد الحجري ©