تاريخ الاضافة
الخميس، 6 فبراير 2014 08:08:59 م بواسطة محمد بن عمار
0 287
الحظ الأقشر
ياشـقـا ، قـلـب ٍ تـحـيّـر* فـي هـوى غـرو ٍ يتلـه ّ
راعـي العـيـن الحنـونـه * اللي أشغلنـي بغرامـه
قسمتي والحظ الأ قشر * ساقـت الرجـل لمحلـه ّ
مـن بعـد ، لـدّة عيـونـه * ويـن قلبـي والسـلامـة
بالمشي لا من تهـصّـر * رأس ، ردفـه مـا يقلـه ّ
مشغـل النـاس بفنونـه * مشيتـه صـارت علامـة
والمبيسـم مـوت ٍأحمـر* يشفي العطشان غلـه ّ
ونظمـة اللولـو سنونـه * لاغنـج لــي بأبتسـامـة
ومـن نـظـر للصدركـبّـر* روض للوسمـي يعلـه ّ
مثـل طلـع التيـن لـونـه *والحجـم بيضـة حمامـة
مطلـق ٍمجـدول ٍ أشقـر * من على متنـه ، يـفلـه ّ
وغرة ٍ حفة ،، جفونه * تنتثـر، لا أرخى ، لثامه
نــور عيـنـي لــو تغـيـرّ * وسط قلبـي مرتـع ٍلـه ّ
بالحشـا أرسـى ركونـه * وبالـصـدرعالي مـقـامـه
الـغـلا بالـجـوف يـصـهّـر* قرص كبدي مستحلـه ّ
ساطيـات ٍ بـي طعونـه * بالحـشـاء راكزسهـامـه
من عنـاه العيـن تسهـر* دمعهـا ، دايــم ، تهـلـه ّ
مثـل وبـل ٍ فـي مزونـه * لا تـحـدر مــن غمـامـة
عقـب مـا وصـلـه تعـثـر* صـارت أعـذاره ممـلـه ّ
جـدد بقلـبـي ، حـزونـه * بالـتـشـرّه ، والـمـلامـة
كيـف عقـب الـود قـرّر* للهجـر مـن غـيـر زلــه ّ
عـاذل ٍ قـد حـال دونــه * ليتـنـي أعــرف مـرامـه
لوشكيـت الحـال يظهـر* ماخـفـاء للـنـاس كـلـه ّ
وكــل عـلـم ٍ يجهلـونـه * صــار سلـعـة للنمـامـة
الـهـوى راعـيـه يخـسـر* لا تفـارق هــو، وخـلـه ّ
مكسـبـه ذل ومـهـونـة * وآخرالعـشـرة ، نـدامــه
القصيدة ذات قافية مربوعة ( كل شطر قافية ) وهو نوع مستحدث من النظم
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. الشعر العامي287
لاتوجد تعليقات
جميع الحقوق محفوظة لبوابة الشعراء .. حمد الحجري ©