تاريخ الاضافة
الخميس، 6 فبراير 2014 08:22:28 م بواسطة محمد بن عمار
0 142
البارعة
بارعة في ، فن تعذيبي بروع
بالتغزّل ، والهروج الدافية
ماحسبتي العاقبة قبل الشروع
بإرتكابك ، للغلط ، يالهافية
عزتي بالنفس ، ماتقبل خنوع
من مفاهيم ٍ ،، بفكري وافيه
ماانحني إلاّ بفرضي والركوع
للذي محصي الأمور الخافية
ولاتظنين التسامح لك خضوع
وأنتي طبعك للحقايق نافيه
كلما كبرّت أصليّ في خشوع
إنبرى طيفك ، وشال القافية
وشتت أفكاري تفاريد وجموع
وأنا بالي ، به هموم ٍ كافيه
سبة اللي ذاوي ٍ بين الضلوع
ينتظر منك ، الحلول الشافية
من غيابك عنه مخطور ٍيموع
وعن منام الليل عيني جافيه
كلما شق البدر ستر الهجوع
قلت ذي محبوبتي ، جت لافيه
وان طريتي لي بعزالنوم أفوع
وأشعل أنوارالهجوس الطافية
أنتظر نور الفجر يبدأ الطلوع
ساهر، وكل الخلايق غافية
وش يفيد اللي تحاشا للوقوع
بالحذر، و أقدام رجله حافية
فالعمر ماعاد به فرصة رجوع
والغنيمة في العفو، والعافية
قصيدة جفاء ولكن بطريقة المحبين
أدعي عليه وقلبي يستغفر
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. الشعر العامي142
لاتوجد تعليقات
جميع الحقوق محفوظة لبوابة الشعراء .. حمد الحجري ©