☆ دواوين الأعضاء .. الشعر العامي > السعودية > ديوان محمد بن عمار

تاريخ الاضافة

الخميس، 6 فبراير 2014 08:39:27 م بواسطة محمد بن عمار


		0	174

الحكي والوشاية

عيني على فرقا وليفي ترفيّ

وكثرالبكاء والنوح ، جدّد عنايه

الزين ضدي وأحسب إنه بصفيّ

مهما تظاهر بان طبعه معايه

جامل معي وهو يدور ويلفيّ

وحبي و أحاسيسي مجرّد هواية

خدعني بضحكه وزود التحفّي

وبيّحت له مكنون ما في خفايه

يا للأسف فيه الضمير متوفى

عايش بدون إحساس ولا دراية

غصب ٍ عليّ أنساه ماهو بشفّي

الله ،، على فرقاه يجبر عزايه

أبكي على ما فات وأصفق بكفّي

وأقول أنا غلطان وهذا جزايه

قلبي جريح وماجرى لي يكفّي

كله من أسباب الحكي والوشاية

بأسباب جرح ٍ بالضمير متخفّي

والناس مايدرون ويش الحكاية

هذي نهاية ،، مطردين المقفّى

كلّش ولو طال الزمن ، له نهاية

لاتوجد تعليقات