تاريخ الاضافة
الخميس، 6 فبراير 2014 08:57:29 م بواسطة محمد بن عمار
0 188
الخيل مسرج
القاف نوّه أمطرتنا ، مزونه
والخيل مسرج والهجن علقّ شداد
للعاذل ، اللي مقفيات ٍ ، ظعونه
اللي بظنه ،، واقف بكل مرصاد
يطرد سراب ٍ وأخلفنه ، ظنونه
ماعاد له ، غيرالحزم نوم ورقاد
أنحي ، لبير ٍ قد تهاوت ركونه
ماها نضب والصوح ماجاه ورّاد
ترى اللسان حصان ياللي تصونه
وإن كان هنته هانك بكل مقعاد
والحق الأبلج ، مايمارى بلونه
متوهّج ٍ نوره على روس الأشهاد
الطير، لو بحسابهم يحسبونه
مايزرعون العيش ، والحقل ماجاد
والجسم ماينفع والأعضاء بدونه
والكف مايصفق وهوماله اضداد
كم ذيب مع كثر الحذر يقنصونه
وكم طير يطرد للفريسة وينصاد
القصيدة خلاصة تجارب بأن الحذر لايمنع القدر
وبعض النصائح لمن أراد أن يتثقف
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. الشعر العامي188
لاتوجد تعليقات
جميع الحقوق محفوظة لبوابة الشعراء .. حمد الحجري ©