تاريخ الاضافة
الخميس، 6 فبراير 2014 09:01:30 م بواسطة محمد بن عمار
0 255
حلايا الحووور
إرتعي ياحلايا الحور وحرّ الحرير
في شموخ ٍ يضاهي بك طيور الحرار
وإفرشي لي خمايل ، ثوبك المستدير
آتثني معه ، إلى إنطوى ، واستدار
وإفردي لي جناح الشوق ودي أطير
لاني أول ولا آخرمن تعلى ّ وطار
وداعبيني ، بساحة خافقي هالصغير
ساحةٍ قـد ملكتيها ، وحنا ، صغـار
وإنثري عطرك ، لنسمات نفح العبير
عـطرّيني وردّي لروحي الإعتبار
وطيّري لي حمام البال عبر الأثير
كلما نسنس الغـربي ، لك الشوق ثار
كلما قلت ، هذا يالغلا ، ما يصير
قال قلبي وش اللي شفت منها ؟ وصار
ماهقيتك بحبك ، لأحد ٍ تستشير
وأنت ، لأهـل المودة ، والهوى مستشار
خابرك ، في فنون الحب ، فكرك كبير
وخابر ٍ الحبيبة ، بنت ناس ٍ كبار
آية الله ، وهبها الحسن شيء ٍ كثير
شوفها مغني ٍ ، عن شوف ناس ٍ كثار
قلت جفن ٍغطاء والجفن الأخر حصير
والمشاعر بجوفي ضاربات ٍ حصار
ليتها عن افراقي والهجر تستخير
نجمع الشمل وماقد خاب منهو استخار
فالهوى مهما طال العمرعهده قصير
ومهما طال الزمن عمرالليالي قصار
القصيدة خلاصة نقاش بين الشاعر وقلبه
وإحتجاج القلب على مجرد السؤال للحبيبة
قصيدة خيالية رهيبه
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. الشعر العامي255
لاتوجد تعليقات
جميع الحقوق محفوظة لبوابة الشعراء .. حمد الحجري ©