تاريخ الاضافةتاريخ التعديل
الجمعة، 7 فبراير 2014 04:34:29 م بواسطة أشرف فايزالجمعة، 7 فبراير 2014 09:02:48 م
0 158
كيف ياباخوي
كيف يابخوي جاي تقول لي أبطل ادخن؟
والدخان مزروع في حشاي
كيف السجرة اللي ع الجسر
جدرها مزروع شوف ع الترعه في وش الكفر
بس فروعها واصلة حداي
سيبني ياخوي
سيبني اطفي الهم بنفخه
يمكن نفختي تطلع طخة
تصيب السكر وللا الضغط
وللا أيام الضنك القحط
اللي محاوطاني وعايشه معاي
وآه يابخوي
ليه عاتنبش جوة الهم
ليه عاتفتح جرح غويط
باوهم نفسي إنه اتلم
ليه عاتفور تاني الدم
وآه يابخوي
يعني ما عاتشوفشي اللي يصير
يعني ماعاتشوفشي المجانين
نازلين تعتيير
وهاتك نهب وسرقه وقتل
وهاتك هتك ف عرض الناس الفقرا
اللي في جنب الحيط بتسير
فاكر؟؟
ولا نسيت يابخوي
يوم ماجابولنا في المدعوك التلفزيون
واحد قالوا عليه مجنون
دبح خلق الله النايمة هناك في سكون
وهتك عرض المرة والراجل
زي غراب البين الحاجل
واه يابخوي
شوفت كمان الخبر العاجل
واحد قالوا عليه مجنون
ونزل دبح ياخوي ف الناس
ناس عاتصلي وتعبد ربها
طالعه يادوبك م القداس
وكيف عايكون
واحد يقتل كل الناس دي في غمضة عين
طب والشرطه دي كانت فين؟
يمكن كانت واقفه بتحرس دار العمدة
ولا دي يمكن بعد ما أكلت لحمة وفتة
قاعده تحليلها بنفسين
وآه يابخوي
إسم الشاعرالبلدإسم القسمالمشاهدات
أشرف فايزمصر☆ شعراء العامية في العصر الحديث158
جميع الحقوق محفوظة لبوابة الشعراء .. حمد الحجري ©