تاريخ الاضافة
السبت، 8 فبراير 2014 05:36:24 م بواسطة عبد العلي فيلالي بالحاج
0 152
حول ادماج المراة في التنمية
لخير فجلاس النسا فالدار
شحال من لمرا تخرج من دارهاو تخليها
والخير فيها ايلا كانت منورة لفكار
وتـقدر مسؤوليتها وتدريها
لمراة مدموجة فالتنمية مولات الدار
ونبادم يطيع نفسو فريها ويجاريها
معدنا من ذهب غطاه غبار
اصولنا صخر ماشي الريح لي جا يديها
أبنت بلادي صغا لي نوصيك
هذا حال من لا بغاك تكوني عفيفة
شياطات النسا عمالة للعمية تديك
من بقات بايرة شايطة كيف الجيفة
امولات الدار صون راجلك يبغيك
انت حليلتو وانت لو هي لوليفة
وسع خاطرو را الدنيا مهاليك
نسيه محانو بالبسمة والكلمة اللطيفة
ابنتي قولي لله كاين شي خير من والديك
ترضاي بزواج الباغيات ما قبحها صفة
تبغي لي يدوي او ينعت فيك
شرع الله حمايتنا من الزيغة والهيفة
الزواج شرع الله والولي شرط ايلا نوريك
ومن غيرو باطل وانت فهامتك خفيفة
لمرا لي تفارق بيتها وتخليه
من جهلها او عميتها خلا تـو
خلات زوجها لغـيرها يديه
وتكون يا ويحها هي لي هداتـو
و لي ما يحرس على بيتو ويحمبه
يستاهل كل ما يجري بيه فحياتو
خير الناس لي لعشيرو يتهلا فيه
ماشي ذاك لي تابع لذاتو و شهواتو
الشيء من الشيء مرتابط بيه
يضيع من ضيع صيامو وصلاتو
من ضيع حقوق الله يحكلو يعميه
غواتو نفسو ماشي الدنيا لي غواتو
يحكلويحمي خوتو وخوتو تحميه
ماشي ياكل ورثو وورث خواتو
شحال من مرا رزقها يديه
خوها ويدي رأي شيطانو ومراتو
يسلط عليه ربنا ملا يرحمو او يحن فيه
و ييبس رزقو وما تنفع فيه زكاتو
من غفل عن شرع الله حتى شي ما يحميه
و العامل بيه سليم فعقلو وفداتو
هذامنكريا قاريين و القاري لا توريه
فقه الجاهل قبل تكمل حياتو
هدي جلبة لدينا من شر لا يأديه
لا زال لخير فامة النبي ما دامت اماتو
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. الشعر العامي152
لاتوجد تعليقات
جميع الحقوق محفوظة لبوابة الشعراء .. حمد الحجري ©