 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| لخير فجلاس النسا فالدار |
| شحال من لمرا تخرج من دارهاو تخليها |
| والخير فيها ايلا كانت منورة لفكار |
| وتقدر مسؤوليتها وتدريها |
| لمراة مدموجة فالتنمية مولات الدار |
| ونبادم يطيع نفسو فريها ويجاريها |
| معدنا من ذهب غطاه غبار |
| اصولنا صخر ماشي الريح لي جا يديها |
| أبنت بلادي صغا لي نوصيك |
| هذا حال من لا بغاك تكوني عفيفة |
| شياطات النسا عمالة للعمية تديك |
| من بقات بايرة شايطة كيف الجيفة |
| امولات الدار صون راجلك يبغيك |
| انت حليلتو وانت لو هي لوليفة |
| وسع خاطرو را الدنيا مهاليك |
| نسيه محانو بالبسمة والكلمة اللطيفة |
| ابنتي قولي لله كاين شي خير من والديك |
| ترضاي بزواج الباغيات ما قبحها صفة |
| تبغي لي يدوي او ينعت فيك |
| شرع الله حمايتنا من الزيغة والهيفة |
| الزواج شرع الله والولي شرط ايلا نوريك |
| ومن غيرو باطل وانت فهامتك خفيفة |
| لمرا لي تفارق بيتها وتخليه |
| من جهلها او عميتها خلا تو |
| خلات زوجها لغيرها يديه |
| وتكون يا ويحها هي لي هداتو |
| ولي ما يحرس على بيتو ويحمبه |
| يستاهل كل ما يجري بيه فحياتو |
| خير الناس لي لعشيرو يتهلا فيه |
| ماشي ذاك لي تابع لذاتو و شهواتو |
| الشيء من الشيء مرتابط بيه |
| يضيع من ضيع صيامو وصلاتو |
| من ضيع حقوق الله يحكلو يعميه |
| غواتو نفسو ماشي الدنيا لي غواتو |
| يحكلويحمي خوتو وخوتو تحميه |
| ماشي ياكل ورثو وورث خواتو |
| شحال من مرا رزقها يديه |
| خوها ويدي رأي شيطانو ومراتو |
| يسلط عليه ربنا ملا يرحمو او يحن فيه |
| وييبس رزقو وما تنفع فيه زكاتو |
| من غفل عن شرع الله حتى شي ما يحميه |
| والعامل بيه سليم فعقلو وفداتو |
| هذامنكريا قاريين و القاري لا توريه |
| فقه الجاهل قبل تكمل حياتو |
| هدي جلبة لدينا من شر لا يأديه |
| لا زال لخير فامة النبي ما دامت اماتو |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
