/>.

تاريخ الاضافة
الأحد، 9 فبراير 2014 05:01:26 م بواسطة عبد العلي فيلالي بالحاج
0 166
كلشي ضدي
علاش كلشي ضدي وحتى انت يا قلبي
امتى كان الحب ذنب حتى يكون ذنبي
هذا حالي ما بين الناس محسوب عليا
وهذا ما قدرتي وحكمتي يا سيدي يا ربي
ماشي بيدي قلبي يخفق
انا سبابو ايلا بغيتو الصدق
انما القلب ياناس حمق
لنداء الحب فالساعة ولحين يلبي
بغيت ننسى وقلبي ما هناني
ولاول مرة لقيتو يغارد ويعصاني
وانا نقاصي بيه ونكابد ونعاني
دغيا يعشق ويبالي ويسربي
نذوب ويبقى عمري على شعرة
نداوي ونداوي وما يبغي يبرا
نظرة تطلقني وتقبطني هدرة
وحديث يهب عليا نسمة غربي
مال الظروف دايرة فيا
بغيت نهنا ونعيش شويا
شكون يحدد هذا لي بيا
مابقى ما نستر او نخبي
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. الشعر العامي166
لاتوجد تعليقات
جميع الحقوق محفوظة لبوابة الشعراء .. حمد الحجري ©