الحرف مايبلش وانا راعي الشان | |
|
| في حزّة الميقاف مثل الذخيره |
|
من فهقة زناده له الفكر نيشان | |
|
| والصيد واجد ويتزايد نفيره |
|
لا ثار عجّه يسبق العجّ دخان | |
|
| يصطاد من جزل المعاني وفيره |
|
واليوم ينثرها مع الورد ريحان | |
|
| في محفلٍ فاحت نسايم عبيره |
|
باسمي وبسم ابنا مريشيد رشدان | |
|
| نيابةٍ عنهم وانا له واديره |
|
يامرحبا ترحيبةٍ مالها اثمان | |
|
|
|
حضوركم وافي مكمّل لنا بان | |
|
| على الوجوه الباسمات السفيره |
|
لكل واحد خصّ شكرًا وعرفان | |
|
| غالين والغالي يسر السريره |
|
في مجلسٍ كيفه على دلال رسلان | |
|
| كيف النشامى لاعتلى الراس حيره |
|
والعود الازرق فاح بيدين شجعان | |
|
| لا مرّ واحدهم ينسّيك غيره |
|
وْزانت سواليفه من فلان وفلان | |
|
| سيرة نغلّقها على اطراف سيره |
|
وكلٍ يسوّي للتّباريك عنوان | |
|
| للفهد في ليلة عمر مستنيره |
|
الي تخيّر فالنّسب من لهم شان | |
|
| ميمون ف مْطير العريقة شهيره |
|
يوم المعارك شرّ في ماض الازمان | |
|
| مثل السيوف المرهفات الشطيره |
|
واليوم في وقت الرخا وقت الامان | |
|
| بالمرجلة ميمون دايم جديره |
|
واخصّ صالح زيد والعلم برهان | |
|
| للطيب وعلوم الفخر هو سفيره |
|
والاد شاطر ايضًا لكل عدوان | |
|
| فرسان فالميدان والدِّين خِيره |
|
من دون قاصر فالقبايل .. والانسان | |
|
| يبان فعله والبشر له بصيره |
|
وانا ببارك مثلهم واللقا زان | |
|
| مبروك يا حرٍّ تعلّى مطيره |
|
ماهي غريبة وانت للطيب كسبان | |
|
| نفخر وتفخر بك رجال العشيره |
|
لا قيل فهْد ابِن مريشيد حوران | |
|
| يرقى علوم الطيب لو هي عسيره |
|
من نسل شيخٍ للافاعيل له كان | |
|
| كل الصعاب تصير عنده يسيره |
|
|
|
| اعداد ما غرّد على الغصن طيره |
|
واعداد ما ينبت من اوراق الاغصان | |
|
| صلوا على اللي مالي الكون خيره |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
