|
|
على اليسار مقلّط .. وعلى اليمين صالة
|
|
|
وينطر اخر ضيف منهم يهز فنجاله
|
|
يقوم صاحب المجلس طلال لستقباله
|
شخص جالس على اليمين يهمس لجاره:
|
هذا احمد اللي جاي بس ماهو لحاله
|
|
|
ويدخل احمد معه ثلاث اطفال
|
وعند باب الصالة يستقبله طلال
|
|
|
هلا والله مرحبا عليكم السلام .. حي الله احمد هلا وسهلا .. تفضل .. كيف الحال؟
|
هلا طلال ..اعرّفك على عيالي .. ابني صابر عمره ثمان سنين .. لاتستحي سلّم ياصابر
|
بنتي هالة .. ست سنين .. سلم ياثامر على الجماعة .. وش هذا اللي في يدك؟؟
|
|
عبدالمعين يطالع الساعة .. ويهمس لجاره
|
كيف يجيب اطفاله؟! .. محد منا معه اطفاله .. ليش يجيب اطفاله
|
ويجلس احمد ويجلس حوله عياله
|
|
ما شاء الله .. ياحليلهم .. الله يحفظهم ويحرسهم ويحميهم
|
ماشاء الله يا صابر: ايش هالثوب الجديد
|
احمد يقول وملىء وجهه ابتسامة
|
هذا صابر موهوب في التقليد قوم ياصابر قلّد اصالة
|
والا تدري وري عمك كيف يركض سامي الجابر
|
ينطلق صابر لخارج المجلس .. يرجع معه كورة يشوتها .. تنزل من السقف ثمان لمبات مكسورة
|
احمد يقول وملىء وجهه ابتسامة
|
شاطر ياصابر ... شفت ياطلال شقاوة هالعيال
|
|
ياحليلهم .. الله يحفظهم ويحرسهم ويحميهم
|
تعالي ياهالة سمعيهم ووريهم اغنية ورقصة الخيالة
|
لا تستحي يا بنت مافيه احد غريب هذا عمك طلال وهذا عمك مثيب
|
وهذا عمك عبدالمعين وهذا ..... لا مؤاخذة انت مين؟
|
|
عبدالكريم .. تخيّل يا اخي ماعرفتك لانك يمكن ملتحي .... لاتستحي يابنت لاتستحي ..
|
تدري طلال هالة نجحت بامتياز
|
|
اه ياثامر ما اشطنك .. كسّرت القزاز
|
احمد يقول وملىء وجهه ابتسامة
|
|
|
ياحليلهم ..الله يحفظهم ويحرسهم .....؟؟؟؟!!!!
|
وش كنت اقول ايوا طلال كنت اقول هالة نجحت بامتياز اعطيتها البارح فلوس
|
وقلت لها ياهالة ايش ما تبغي اشتري
|
|
مبروك .. مبروك .. ايش تبغي تصيري لما تكبري
|
هالة تتفل على طلال .. وتقول:
|
|
احمد يقول وملىء وجهه ابتسامة
|
|
|
ياحليلهم .. الله يحفظهم .....................؟؟!!!
|
تعال ياثامر .. عد لعمك من واحد الى العشرة
|
|
واحد ..اثنين .. ثلاثة .. سبعة
|
احمد يقول وملىء وجهه ابتسامة
|
دايم يعد .. ولما يوصل اربعة يلخّبط
|
|
|
واحد .. اثنين .. ثلاثة .. سبعة
|
شاطر يا ثامر شفتوا كيف لخبط
|
ينفتح باب المقلّط ويدخل النادل شايل دخون
|
|
احمد يصفق .. صابر وثامر يرقصون
|
|
العشاء .. تفضلوا ..الله يحيكم
|
|
يالله يا اولاد الله يحميكم .. اتعشوا اول .. بعدين سووا اللي تبون
|
يركض الاولاد قبل الضيوف .. وللمقلط يدخلون
|
صابر ياخذ برتقالة .. يرميها على النادل .. تطيح المدخنة والدخون
|
ثامر هناك .. يكسر بياله .. ويرمي شظاياه على اللي ياكلون
|
هالة ترمي على طلال صينية ... وتاخذ علبة مياه غازية
|
تخضها .. تخضها .. تخضها .....
|
وترقص رقصة الخيالة .. وتفتح العلبة
|
احمد يقول وملىء وجهه ابتسامة
|
ايوه ... هذي رقصة الخيالة
|
والضيوف في ثياب من المياه الغازية يرفلون
|
|
على اليسار مقلط .. وعلى اليمين صالة
|
|
قزاز مكسور .. سجادة محروقة .. غترة مشقوقة
|
|
|
على وجه عبدالمعين جرح قطعي . .ومهلبيّة
|
نادل مصاب بحروق من الدرجة الاولى .... وجروح سطحية
|
|
يضهر احمد من المقلط وملىء وجهه ابتسامة
|
اكرمك الله يا طلال..شايف شقاوة هالعيال
|
اقول طلال .. اشكر ام العيال نورة .. العشاء كان رائع .. ماقصرت مشكورة
|
عشاكم ياجماعة بعد اسبوع عندي ... لازم تشوفو ولدي الصغير؟!!
|
اخر العنقود .. منصور .. عمره ثمان شهور .. شيطاني يعقد ..اظن له معي صورة
|
شوف يا طلال هالصورة .. لاتغرك نظرته .. ترى والله ذكي مره
|
ما يضحك ولا يبكي لما يبدا اخوه ثامر يعد
|
|
وترتسم على وجهة احمد علامة استفهام ويتساءل في داخله
|
طلال كن وجهه متغير ..اكيد احد من هالضيوف زعله
|
مسكين طلال .. دايم في حاله مايخلوه .. زين جبت العيال سلوه
|
ويخرج احمد من الصالة .. فخور بعياله
|
تارك وراه مجلس .... كان مجلس رجال
|
وعلى اليسار بقايا مقلط ... وعلى اليمين شبه صالة
|