إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
الشارع بمثل هذا الوقت يفتحلك |
طريق في صدرك المقفول من مده |
وأن كآن قلبك حزين وبان في شكلك |
يوقف معاك الطريق بحزّه الشده |
وتحس الاضواء تبكي بس من أجلك |
وتآخذ مكان الصديق ويمكن تسده |
لكن ترفق على مهلك على مهلك |
الليله الحال ياكذبه وياجدّه |
الليله أشعر بإني للأسف أهلَك |
هلاك يبني بقلبي شي ويهدّه |
ياقلب هذا الحزن ماهوب لايق لك |
ارضابه ان كان ماتقدر على رده |
خلقت وافي لأن الطيب من اصلك |
ماتعرف الكُره ولاتعرف الصده |
مؤمن بما تعمله لاشك يُحسبلك |
لذا ترد الجروح بطيبٍ تمده |
وياعين لاتستحي الدمعات من كحلك |
أنا اتأسف لدمعي كثر مآ أرده |
ياودي أبكي بهاللحظات وأكتب لك |
شعور مثل البحر في جزره ومده |
متناقض بشكل يتشابه مع شكلك |
وغريب بالحرف والاحساس والحدّه |
الناس تملك وتملك شي لايُملك |
ومايمكله قلبي أعظم منهم بشده |
وآنا معَ قلبي اللي حب له مثلك |
لو كل هاذي البشر قد وقفّت ضده |