إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
ماخذ وياي العراق بجنطه |
ما كفت الجنطه |
طالعه منها مناره وعثك نخله |
وشعله من عيون نفطه |
وراح نوصل ذاك حد السيطرات |
وذيج ضوايات المحطه |
وين اضمها |
لا هوه كتاب ويخليه المسافر جوه ابطه |
الحمد لله.. |
الدنيا ليل ونقطة التفتيش سنطه |
هاي نقطه ويمها واحد |
نقطتين. ثلاثة. خمسه. |
ست نقاط ويمها واحد!! |
تنحسب مليون نقطه |
وصاح مسؤول النقاط بصوت عالي |
هاي ما معقوله جنطه |
بصيحته انزرعت الساحه |
رجال امن ورجال سلطه |
بجرة السحاب شافت عينه نجمه |
وطكته ريحة الحنطة |
ما لكه غير العلم |
كلي شيفيدك |
كتله غربه |
احنه غربه |
ومن نموت هناك جا بيش انتغطه |
اخذ للجنطه تحيه وكلي توصل بالسلامه |
وهاي اول مره افوت بسيطره |
وما انطي رشوه |
وتستعد كدامي شرطه |