عناوين ونصوص القصائد   أسماء الشعراء 
شعراء العامية في العصر الحديث > العراق > كاظم إسماعيل الكاطع > ريحة الحنطة

العراق

مشاهدة
1730

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ريحة الحنطة

ماخذ وياي العراق بجنطه
ما كفت الجنطه
طالعه منها مناره وعثك نخله
وشعله من عيون نفطه
وراح نوصل ذاك حد السيطرات
وذيج ضوايات المحطه
وين اضمها
لا هوه كتاب ويخليه المسافر جوه ابطه
الحمد لله..
الدنيا ليل ونقطة التفتيش سنطه
هاي نقطه ويمها واحد
نقطتين. ثلاثة. خمسه.
ست نقاط ويمها واحد!!
تنحسب مليون نقطه
وصاح مسؤول النقاط بصوت عالي
هاي ما معقوله جنطه
بصيحته انزرعت الساحه
رجال امن ورجال سلطه
بجرة السحاب شافت عينه نجمه
وطكته ريحة الحنطة
ما لكه غير العلم
كلي شيفيدك
كتله غربه
احنه غربه
ومن نموت هناك جا بيش انتغطه
اخذ للجنطه تحيه وكلي توصل بالسلامه
وهاي اول مره افوت بسيطره
وما انطي رشوه
وتستعد كدامي شرطه
كاظم إسماعيل الكاطع
بواسطة: لا تسولفلي جذب
التعديل بواسطة: لا تسولفلي جذب
الإضافة: الثلاثاء 2014/10/28 05:02:11 صباحاً
التعديل: الثلاثاء 2014/10/28 10:33:06 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com