تاريخ الاضافةتاريخ التعديل
الخميس، 30 أكتوبر 2014 04:38:59 ص بواسطة لا تسولفلي جذبالخميس، 30 أكتوبر 2014 07:49:20 م
0 420
اريد ابجي على صدرك
اريد ابجي اعله صدرك مشتهي النوح
واريـد اكعد اكبـالك واحسب اجروح
ومثل الطير من يودع الروح
جاي اركص ابابك ركص مذبوح
اهي كسرة عظم ماتجبــر بيوم
ولا دورة سنه واثارها تروح
كسروا واهسي وخلوٌنــي مالوم
وخايف عله عيوني بالبجي اتروح
كنت امر وانهي وصاحب الراي
يوم ايـــدي طويله وجيلتي اتلوح
اريــد ابجي اعله صدرك مشتهي النوح
واريد اكعد اكبــالك واحسب اجروح
اريد اركي اعله صدرك راس تعبــان
واسولف عن عذابي وغربة الروح
جاي انزع ابجـفك سهم الاصحاب
تبروا من طحت عافوني مطروح
سحكوا فوك راسي وجرهم الخوف
ونزلوا للوحل من عالي السطوح
ويوم اللي شفتهم وكعوا ابيـــر
نزلت وساعدتهم وانـــه مطروح
ويوم اللي شفتهم نزفوا اهــواي
كمت انطيت دم واحلبت الجروح
اريد ابجي اعله صدرك مشتهي النوح
واريد اكعد اكبالك واحسب اجروح