تاريخ الاضافةتاريخ التعديل
السبت، 28 فبراير 2015 01:13:33 م بواسطة جمال نصيرالسبت، 28 فبراير 2015 07:15:43 م
1 263
لما ابقى رئيس لمصر
كنت باحلم ف الطفولة
انى ابقي رئيس لمصر
كنت شايف إن بلدي...
نازله فينا وفيها ... عصر...
قلت يمكن أبقى حلم..
أبقى حل.. من الحلول...
أبقى حد ف مرة حس وعنده ... دم..
*****
لما ابقى رئيس لمصر
رايح اروح الشغل حافى
هاخد الشنطة بتاعتى.. فوق كتافى
اصلى واخد - طول حياتى - عل التناكة
ماسك الشنطة القديمة .. وباناقه
مش هيبقى معايا مخبر.. أو حجاب
بس مصحف.. ورقة بيضة ..ساندوتش..
أو كتاب
مش مسدس..
او طبنجة..
عارف انى بين ولادى..
بين حبايبى .. او صحاب
*****
مش هيبقى فيه حواجز
هامشى وسط الناس .. احاجز
مصر مش هيصونها خايف من ولادها...
أو ضعيف م الهم عاجز
همشى بين الشعب وحدي
أصل هبقى زى زى الناس ...
راح امشى
اركب الأتوبيس .... لوحدى..
المس الاحداث.. بنفسى
أبقى جوا الناس... بفكري
****
هبنى مصر بأيد ولادها
راح يديرها .. خير شبابها
رايح أخلى الدولة دولة طيبين
مش هتبقى مصر دولة ..مجرمين
والعصابة...
قصدي والوزرا الغلابة
ال تبقى مصر امه..
وال تبقى هى حلمه..
وال يقدر ينسى نفسه وكل أهله..
دل ممكن يبقى هم مصر ... همه
وال يبقى لمصر .. جد..
يبقى تحت ايدين ولادها ... زى عبد
يعرف ان مصر دوله.. وهو فيها...
زيه زى أى حد
*****
رايح اخلي مصر دولة .. مش قطيع ....
مصرى مسلم أو مسيحي ..
المهم.. يبقى فيها الحق واضح ...
ع الجميع..
*****
تبقى مصر بخيرها ... لينا..
خيرها يوصل للعباد
للغلابة .. المحرومين
قبل ما يوصل لايد المفترين..
ال مصوا الدم من جسم البشر .. الشقيانين
هم أصحاب الحقوق ... وبعدهم...
المرتاحين..
*****
تبقى دولة مستقلة...
ذات سيادة.. مستغلة..
في السياسة ..والصناعة
والتجارة والدفاع..
رأيها رأى المواطن .. المكافح..
ال دافع من حياته... قوت ولاده.
وال طافح ..
لجل يبنى.... بيها بلده..
حق مصر يكون لمصر..
مش مشاع
*****
تبقى دولة إسلامية
تبقى مصدر .. للحضارة الإنسانية
رغم انف العلمانية
والخلاعة ...والدعارة
والقذارة الأخلاقية...
دم مسلم .. دم مصرى..دم عربي..
كله دم
كله عندى .. شئ حرام..
والحرام معناه .. حرام..
مش مياعة .. أو خلاعة.. أو كلام
ده عقيدة.. مش هوايه...
دين يوحد بين جميع الناس في دولة..
للسلام..
*****
مش راح ابقى
طفل وسط الصف عند الامريكان
احفظ المكتوب "سيناريو" ..
سطر سطر وحرف حرف..
واما تسأل ايه عملت..
رايح انفذ
حتى من غير امتحان ..
القرار هيكون سيادي
لا اسرائيلى
أو اروبى .. أو اميركى
راح يكون مصري .. وصرف..
*****
هبنى وحدة...
جوا بلدى.. ويا نفسى ..
ويا جارى وابن عمى
بين اخويا وبين صديقى ووسط اهلى..
كل خلق الله سواسى..
زى نفسى
راح اعيد زرع الامانة...
والمحبة..
والسلام وسط القلوب..
كل ما بين الخلايق.. من فواصل...
راح يدوب
من اوهام ..جمال نصير
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي263
لاتوجد تعليقات