تاريخ الاضافةتاريخ التعديل
السبت، 28 فبراير 2015 01:23:31 م بواسطة جمال نصيرالسبت، 28 فبراير 2015 07:16:20 م
0 217
ونهرب ليه....
وليه نهرب من الاشواق
ونفضل وسط غربتنا...
نسافر من فراق لفراق
ماتيجى نقول لكل الناس..
بقلب جريئ..
انا وانت ...
بقينا خلاص .. من العشاق...
*****
فراقنا دا ليه...؟؟
وبعد العمر ما عدّى ..هنبعد ليه..؟؟
ومين يقدر يعوضنا ..عن الايام
ومين يزرع فى أيامنا.. ربيع أحلام..
*****
اشوفك نهر ..
ومركب حبنا سابح.. لشط الطهر
واحسك حب بيقطر فى قلبى الحلم
فليه نفضل كدا تايهين..
وبين الخطوة والتانية .. تمر سنين..
وليه نفضل كدا خايفين..؟؟
وبنخاف مين.. ..؟؟
بشر .. للحب محتاجين..
وعايشين غربة قتلاهم .. ومتخاصمين
ما تيجى نلم وحدتهم
بفرحتنا..
ونعمل عقد يربطنا ..
أمل وحنين
*****
أنا وانتى..
بداية درب
وصورة جديدة نرسمها لدنيا الحب..
تعالى وقربى منى ..
نحط ف قلبنا الخايف.. شموع النور
ونزرع من حيتنا ربيع..
زهور ف زهور
وخللى أديك تلمسنى..
كفاية عنيك سحرانى
وروحك شاغلة وجدانى...
وحبك حط كالعصفور على قلبى
فرقّ القلب
وطار وياه وكان قلبك
بداية السرب
جمال نصير
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي217
لاتوجد تعليقات