تاريخ الاضافةتاريخ التعديل
الأربعاء، 18 مارس 2015 06:17:16 م بواسطة جمال نصيرالخميس، 26 مارس 2015 05:47:49 ص بواسطة جمال نصير
0 221
النهاية....
النهاية ...
بيع ضميرك...
بيع كيانك أو مكانتك ... أو مصيرك
وف طريق الظلم ... شمّر...
شد حيلك.. دوس يا عم...
هى عيشة واحدة .. ليه تحياها غم..
واحنا كل الهم طالنا..
يعنى مش هنموت عشان عيشين ف هم..
والحقيقة..
هو دا أسلوب حياة مصر الجديدة ..
بس عيشة.. حتى لو كانت لونها..
... دم..
*****
كل شئ الان مباح...
والحرام ف بلادنا أصبح مستباح..
والضلال هو .. المتاح...
راح نقولها بمعنى تاني ...
بس ركز فيها حتى ولو ثواني..
النهاية ...!! أو بداية دنيا تانية....
إنت رسمة بدون معالم...
إنت بس تكون مسالم...
شخص حالم..
بص بس لتحت رجلك..
بس حسك .. لو تفكر ..
أو تبص لبكرة أو..
تسمع لصوتك.. أو لنبضك
*****
النهاردة....
الحرام ال ف عقيدة أى مصري ..
كلمة – كانت – بين كُتبنا..
وال كنا من طيبتنا نقول عليه..
دا من خيالنا..
وال طول العمر نسمع عنه .. صابنا..
والحرام ال افتكرنا...انه كان أيام جدودنا...
تانى عشش بين نفوسنا...
*****
و الشيطان...الشيطان دا كان زمان....
النهارده مفيش شيطان...
الخرافة دى كات ... زمان..
افتكرنا ان الشيطان كان صورة وحشة..
بين ظنونا..
وافتكرنا ان الشيطان.. مات من جدورنا..
وانخدعنا وقلنا كان ... أيام رسولنا...
قصة وسط كتاب قديم ..
لجل نعرف.. إنه كان يوم فى التاريخ...
شيطان رجيم..
الشيطان الان ... زعيمنا...
*****
والحرام...الحرام دا كان زمان.....
كنا نسمع إنه .. قصة .. عشان ننام
لما كان فيه شئ جميل ... إسمه الايمان..
الايمان بالله ... بدينه..
والرسالة ... والحقيقة..
كان زمان...
لما كان للدين .. صحابة..
ناس وعارفه الحق دنيا.. مش ف غابة...
مش عمامه... أو دقون ..
مش مناصب بالسياسة ...
لو قالوله بيع ضميرك.. لجل منصب...
راح يبيعه.. وبالقانون...
*****
النهاردة ف مصر كل شئ ... مباح...
التدين .. والتدنى..
والخيانة... والامانة ..
والجريمة .. والخيانة.....
كله شئ الان ... متاح
كله وش لعملة واحدة
عيشة واحدة..
يستوى فيها ال جى .. وال راح..
*****
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي221
لاتوجد تعليقات