إي بالله إنك غريب وبين ناسك غريب | |
|
| ما دام ما عيّن أحدٍ فيك منهم ثواب |
|
عيَّبت بالوقت بس الوقت ما فيه عيب | |
|
| تلقى لها من عقول الناس باب وجواب |
|
أنت الذي جبتها يمال شين النصيب | |
|
| واظنّ ما عاد يمدي لو تعيد الحساب |
|
عرفت وش مقصدك لا تحسبنّي مريب | |
|
| لوّك سرقت الكحل من عين زين الشباب |
|
تريد حضرة جناب وتحسبنّك تطيب | |
|
| عاد ابشر بكلمةٍ ما هي بحضرة جناب |
|
حلت بحلالك على مقطان ما هو خصيب | |
|
| والوقت لك حدّ شلفا مثل شلفا ذياب |
|
والله واعرف المهلهل ما يخلّي كليب | |
|
| وإلا انت خلّيت من دون الصواب الصواب |
|
العيب يا محترم بمْقيط وإلا الجذيب | |
|
| يوم انكسر ناظرك بين العجب والعجاب |
|
خذها نصيحة وانا ماني باخوك القريب | |
|
| لا تفتح بقلّ عرفك للمشاريه باب |
|
لا تستهين بقضية كان عقلك لبيب | |
|
| الله من هقوةٍ راحت بذيبٍ وداب |
|
لا بدّ ما شمس ابن آدم بيومٍ تغيب | |
|
| جا من تراب ومردّه بعدها للتراب |
|
غصنٍ ليان وليانه لو يطوّل .. ذهيب | |
|
| يعمر عمار وعماره لو يطوّل خراب |
|
الوقت شيخٍ عقيمٍ ما يجي منه صيب | |
|
| لا يذبحك سيف نيّاتك يمال الذهاب |
|
ما هو لجرحك طبيب إن كان جرحك عطيب | |
|
| قد راح في نوت عن عين العواجي عقاب |
|
توّك بسنّ الشباب وفيك بان المشيب | |
|
| والعلم بيّن لنا ما فوق كفّه خضاب |
|
من فاترات الجفون وضافيات السبيب | |
|
| ظامي وتارد على الماء بس تارد سراب |
|
لا تعترضك الهبايب وانت غصنك رطيب | |
|
| خذها خلاصة خطيبٍ جاد حبك الخطاب |
|
لا شفت فوق الجبل ذيبٍ بتسمع قنيب | |
|
| إنزل تحت كان ما تقنب قنيب الذياب |
|
تسلم يدٍ لجل راعيها تهدّ الحزيب | |
|
| ورجلٍ بعد لجل راعيها تشقّ الرغاب |
|
في ساعةٍ للفنا فيها مقامٍ رهيب | |
|
| ما يحكم إلا شبا سيفٍ صقيل النصاب |
|
يسلّه الطيّب القرم الجسور العريب | |
|
| تقول مفجوع في ذلّ اقصراه القراب |
|
لا مادت الحرب بنتٍ في نحرها صليب | |
|
| وفلّت ظفاير شعرها واقصدتها الركاب |
|
ما للحمل غير شقران وشعيل وهديب | |
|
| تبرك له وترتكي بظهورها ما تهاب |
|
ما ينقطع من حبال العز حبلٍ قضيب | |
|
| إلا من ايمان من لا يحتمون المراب |
|
وأرضٍ جديب وثراها ما يخضّر عسيب | |
|
| ما طاب للشاربة من عاليَتها شراب |
|
ومن لا يدوّر طليب ولا يوقّف حريب | |
|
| من دمّه اليوم تروى باترات الحراب |
|
مهما رمى رميته ما طاح منها صويب | |
|
| غراب ما حام مهما حام حومة عقاب |
|
ما هو صحيبٍ يسرك في نهارٍ عصيب | |
|
| حتى ايش لو هو برد كبدك بحلو الرضاب |
|
يفجعك فجعة ابن هدلان في موت ذيب | |
|
| وقل وقتها وانت واقف ويش ودّى وجاب؟ |
|
عسى يجي لك على ما قيل حظ ونصيب | |
|
| من بعد ما هو ذهب مبطي يمال الذهاب |
|