عناوين ونصوص القصائد   أسماء الشعراء 
الشعراء الأعضاء .. عامِّي > السعودية > لفى الهفتاء > الطفل ودموع الأمتين

السعودية

مشاهدة
900

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الطفل ودموع الأمتين

يا هبايب ذعذعي والعبي يا خيزران
وانزلي يا دمعة الحزن من عين الحزين
فوق ما خط قلمي عبر سحرٍ من بيان
ما تعذّر هاجس الشعر لو عذره سمين
كن حبري دم قاني وطرسي قرطيان
وأحرفي مكساه من ماء ورد الياسمين
لجل حسناءٍ مهي بالشعر مثل الحسان
ما تتوق لمصطفى صادق أو طه حسين
دون طوفان الشعر تستثير العنفوان
صانها بالحمد لله رب العالمين
بإسمها ريح القرنفل يغيض القحويان
كنها مكتوبةٍ في رياض الصالحين
هالة أحساسي زهت باللجين وبالجمان
ولا سواها زاهية بالجمان وباللجين
داخلي للشعر نارٍ كنار الموبذان
والموارد حولها من أنينٍ لا أنين
إبتدا ليل التنافس بقلب المهرجان
وكل ذو شعرٍ طوى صفحة المستشعرين
في حضور أهل الأدب ترجم السر اللسان
في عيوني مثل ميقاف ذي قار وحنين
المغول يقود فرسانها جنكيزخان
والمغارب قاد فرسانها بن تاشفين
جيت والمعنى بدر تحت جنح الزبرقان
ومن مقام الفن حطيت خط ونقطتين
كل ديدب له من القبة الزرقاء مكان
ترقبه عين البسيطة وعين الفرقدين
أبشروا في راس قيصر وراس الهرمزان
وسجلوا فوق الفتوحات لي فتحٍ مبين
بين غلطة من طباعة وكبوة من حصان
قمت أغسّل مشلحي من دموع الأمّتين
عن لحد من تختٍ وعن كفن من طيلسان
ساد من هو كان مخلوق من ماءٍ مهين
يا مهنّدنا الحدَب لا تعوّد سنديان
دام لك فعل أبو حفصة أمير المؤمنين
معركة صفّين منها حدوث النهروان
والخبر معروف من قبل زين العابدين
واعذابي من زمانٍ فنا سيفه زمان
مجد أولاده فقط عن فعول الأولين
ما حمينا طفلٍ اسمه سميّ الزعفران
أهل مكة منه تحفر صخور الأخشبين
عن غسق ذله يبينا نشبّ الشمعدان
نحتذي حذوْ النبي واخلفاه الراشدين
عن قراءة آل عمران والسبع المثان
شافنا لاهين في ما تقوله جاكلين
طلسمة شقٍّ ورانا نعانقها عيان
والشوارب طولها ما نفع قصر اليدين
دون صالة هرمزٍ حال ميّة مرزبان
في سمانا نيزك وفي مواطينا كمين
عنه حنا في أمانٍ وهو ما من أمان
عن تفاصيل المواضيع تكفي كلمتين
ليت عُقبه يستمع وش تقول القيروان
حال أهلها من رحل ما يسرّ الناظرين
طفلنا دمعه حمر مثل لون الأرجوان
طالبٍ ترويجة الرخص لا قلّ الثمين
كلمةٍ بالحق تكفيه عن بصمة بنان
كان بعض الناس تلحق وراه الأحمرين
يا طفل وش عاد لو واقعك كالنيدلان
الصبر محمود والله يعين الصابرين
وش تبي في هيّنٍ عام في بحر الهوان
عقّبه واغنم وتغنم معاك الغانمين
ما خبرنا نافخ الكير يهدي بيلسان
الثعل يبقى ثعل لو سكن وسط العرين
لو قرع شيطان الأمة لذلّك صولجان
ما لك إلا عون ربك ولا غيره معين
والعتب ما عاد ينفع ليا فات الأوان
والدليل اللي حصل في بلاد الرافدين
أخذها قدّام لا ترجع العشرة ثمان
لا تبيع اللي شرى خوّتك دنيا ودين
لفى الهفتاء
بواسطة: لفى الهفتاء
التعديل بواسطة: لفى الهفتاء
الإضافة: الاثنين 2015/03/23 11:43:47 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com