تاريخ الاضافة
الخميس، 2 أبريل 2015 07:15:12 م بواسطة جمال نصير
0 235
إنت مين؟؟
انتى مين؟؟
انتى مصر ..
ولا فلتة ف اى عصر..
انت صورة بس فيها - منا - كسر
انتى احنا ..
ولا احنا هو انتى ..
انتى واحدة من البلد دى؟
ولا انت الشعب كله .. بدون ما يدرى..!!
انت حقك عند مين..؟؟
دين في رقبة كل مصرى..
ولا رقبة مسؤولين..؟؟
*****
انت ليه .. ومين .. وفين..؟؟
وسط امة إسلامية..
دينها بينادى بوحدة .. إنسانية...
إنت رمز لحال وصابنا ..
ولا إحنا .. من وراكى.. خدنا حقك ..
حتى رزقك... اغتصبنا..؟!
*****
أنت شعب فقير وحاكمة ..
ناس ف غابة ..
ناس ديابة ..
بس ف عنيهم شافونا .. ناس غلابة..
داسوا فوق روسنا وطاروا ... فوق سحابة..
توهونا ..
شحتونا ..
جوعونا .. جهلونا...
بكل أمراضهم صابونا ..
حطوا هم العيشة فوقنا .. وشتتونا
*****
إنتى مين..؟وإحنا مين..؟
إحنا عارفين انتى مين
وإنت شاهدة إحنا مين..
إحنا حبة مسلمين..
قصدى - كنا- مسلمين
بس ضيعنا الامانة ..
واتربكنا في السنين..
وانت بصمة فوق وجوهنا..
فوق لسانا وفوق جسدنا..
انت نقطة نور في درب المظلمين..
*****
جمال نصير
مارس 2015

إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي235
لاتوجد تعليقات