تاريخ الاضافة
الأحد، 26 أبريل 2015 05:04:30 م بواسطة جمال نصير
0 252
مش بايدى
مش بايدى يابن بلدى ...
انى ابقى ف البلد دى ..
اتولدت وغصب عنى ..
فجأة ولقيت نفسى مصرى..
*****
كنت قبل ولادتى باسمع..
ان مصر ..هى أمي...
قلت ياه ..محظوظ يا عمرى..
مصر أمي ..وأم جدى..
يبقى هرضع طول حياتى ..
دين .. وحب ... وعز "مصري"...
قالوا نيلها ... نهر جنة..
والجمال دا .. تمر حنة..
كل شئ ف مصر .. دنية..
صدعونى.. ف بطن أمي..
*****
كانوا طول الليل بيحكوا ..
عن بطولة ..
عن جسارة.. عن طهارة..
عن تاريخ أجداد جدودى..
عن جيرانى .. وعن خوانى.. ف العروبة..
خدرونى .. بوهم بلدي..!!
*****
واتولدت....
كنت حاسس اني كنت ف بطن ..كدب
البلد دى .. مش بلدنا..
حتى دينها.. حتى ناسها..
مش دى ناسنا ..
كل كلمة.. وكل حرف سمعته عنها...
ظلم نابت من أصولنا..
والحياة مش دى حياتنا...
والتعاسة .. والغلاسة .. والتياسة ..
عند كل الناس ... غايتنا..
*****
يبقى ذنبى أيه يا أهلى..
إنى أبقى بينكو .. مصرى..؟!
مش هلوم غير أبويا .. وامى..
ليه جابونى .. غصب عنى...
طب يقولوا قبل ما أنزل..
انى هبقى .. عبد ..عبدي...!!
*****
جمال نصير
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي252
لاتوجد تعليقات