تاريخ الاضافة
السبت، 9 مايو 2015 11:14:38 ص بواسطة جمال نصير
0 220
رسالة الى المحزونين...
الحزن دا طبع البشر.. المُسْعدين
فالدنيا سجن المؤمنين
قالها الحبيب المصطفى .. للمتقين
والحزن إحساس بالحياة .. للمرهفين
إحساس بحال المحرومين..
والمجروحين..
والحزن خوف.. القلقانين..
ليمر عمر ويطلعوا ... بيه خسرانين
والحزن فن.. الفنانين
نوع من صفاء الحب لله .. الرحيم..
من بعده .. حب المخلصين
حب الملايكة المعصومين
الحزن حالة إنسانية ..
يا دوب .. لبعض الطيبين
*****
فمتحزنوش ...
على حزن لو كان مش بأيدك تمنعه..
على حزن كان مفروض عليك..
دا قضاء ... ولازم تقبله...
*****
الفرحة ف الدنيا .. ساعات ..
لو ف الحرام...
شمعة ... ف لحظة ... بتنطفى..
وندمها حزن بيحرقك...
طول الدوام...
وساعتها هتحس الفرح..
وكأنه كان حبة كلام..
*****
فمتيأسوش...
وأختاروا بين جنة على أرض الالم ...
رحلة قصيرة ..وتنتهى
أو جنة دايمه ف رحمة الرحمن ..تدوم..
ما تختفى
*****
جمال نصير
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي220
لاتوجد تعليقات