|
|
ما ألام في حب الحبيّب الوليفي | |
|
| دقاق رمش العين سيد الخوندات |
|
خوندات ياللي مابعد عاشرّنه | |
|
| قل له تراهن في الهوى يذبحنه |
|
|
|
الباء بليت بحب خلي على ماش | |
|
| ولاحصل لي منه مايبرد الجاش |
|
غديت أنا وياه طاسه ومنقاش | |
|
| بالوصف كني يالمعزي سلامات |
|
|
| يبي السلامه منه، وهي المعونه |
|
|
| سبب ولدكم واحدٍ صابه ومات |
|
التاء تليت الزين والزين مقفي | |
|
| أمشي وحتفي ناقله فوق كتفي |
|
|
| ما اقوى التفت لوّ طوحو لي بالأصوات |
|
أصوات وإن قالوا سفيهٍ وسايح | |
|
| طرد المقفّي يالمشقى فضايح |
|
قلت أيه مير أشواركم والنصايح | |
|
| مثل المطر فوق السحال المكفات |
|
الثاء ثمانه حب رمّان طايف | |
|
| أوّ قحويان ٍ في رياضٍ ٍعطايف |
|
متنفلٍ بالزين سيد العفايف | |
|
| عمهوجة ٍ فيها من الحور شارات |
|
شارات فيها من ظبيّ الحمادي | |
|
| هيّ لذة الدنيا وغاية مرادي |
|
من يوم قفا صويحبي من بلادي | |
|
| عليه جاوبت الحمامه بالأصوات |
|
الجيم جاني من عشيري كلامي | |
|
|
عليه زرع القلب هايف وضامي | |
|
| مالي جدا كود البكاء والتنهات |
|
أنهت على مافاتني في زماني | |
|
| يوم الحبيّب زارني في مكاني |
|
وراي ماخذت القضاء يوم جاني | |
|
| توي دريت البيض فيهّن غرات |
|
الحاء حليّه في الوطن ما لقيته | |
|
|
|
| أنصاه لو دونه بحور ومسافات |
|
مسافات لو هي في بحور الظلامي | |
|
| أو وسط بتّيل ٍحداه الولامي |
|
وإذا حصل شفّ وبلوغ المرامي | |
|
| صبرت لو طبّيت بحر الظلامات |
|
الخاء خليلي صار عندي قريبي | |
|
| جعلي نصيبٍ له وهو من نصيبي |
|
ودي نواجه، نور عيني حبيبي | |
|
| مار الوحيد لهيد، مافيه نوهات |
|
نوهات نوهاتٍ غدت من غثا البال | |
|
| طول النهار امسيم عمّال بطّال |
|
وأنا أترجى كل حولٍ الى حال | |
|
| دنياك هذي يا اريش العين نشبات |
|
الدال دامي، ما مسكت الذوايب | |
|
| لوّ قيل طيّب قلت ماني بطايب |
|
دنّوا استاد القبر .. أدنوا النصايب | |
|
| ودنوّا دواة الحبر نكتب سجلات |
|
سجلات أريد أكتب بها ليّ وصيّه | |
|
| عمري غدا ياوجد أهيلي عليّه |
|
قولوا لصاف الزين ياقف عليّه | |
|
| أغديه يرجع وايتحسّف بما فات |
|
الذال ذالي، عنه مدة ليالي | |
|
| لو قيل طيب قلت أنا أبخص بحالي |
|
|
| إلا أنت ياراعي الثمان الرهيفات |
|
رهيفات فيها للمشقىّ، طرابه | |
|
| مجمول مدلولٍ، ولابه طنابه |
|
|
| وأسج أنا وياه في العمر سجات |
|
الراء ردوف صويحبي، ثقلّنه | |
|
| ونهود للثوب الحمر، شلّعنه |
|
ومثومن ٍ مااحلى بياضه ودنّه | |
|
| من فوق جسم ٍ فيه من عرق الأرطات |
|
أرطات غرمول ٍ ذرته الذواري | |
|
| والله لولاني على الترف أداري |
|
لأضوي عليها مثل ذيب الغداري | |
|
| جايع وبالغابة عياله مجيعات |
|
الزاء زماني شفت منه الهوايل | |
|
|
الزين لوّ نترك قصيرٍ وطايل | |
|
| لاشك وين العقل هيهات هيهات |
|
هيهات،، لوفي العقل يا ديب لبّه | |
|
| ما كان، يتبع واحدٍ مايحبّه |
|
ليصار قولي له، خريطٍ بدبه | |
|
| وش لك بشوفه يالعيون المشقات |
|
السين سقنا من الدراهم وعيّا | |
|
| واللي نبي من صاحبي ماتهيّا |
|
يقول والله، لوّ تحب الثريا | |
|
| خذني على السنة تشوف الطرابات |
|
طرابات ينسّنك جميع الدروبي | |
|
| أغديك، في باقي حياتك تتوبي |
|
وأودع مقرك بين جلدي وثوبي | |
|
| وتشوف فرق البيض فيهّن لذات |
|
الشين شاب الراس ياعذب الأنياب | |
|
| واللي بطاري توبةٍ كان قد تاب |
|
لي حاجةٍ يازين،، بس إفتح الباب | |
|
| يرحمني اللي، عالمٍ بالخفيات |
|
يرحمني إني فيك يازين مفتون | |
|
| من حبك أسهر والخلايق ينامون |
|
ألهيتني، عن مذهب اللي يصلون | |
|
| ماعاد أميّز، لو قران التحيات |
|
الصاد صيدي يوم ألاوي غريمي | |
|
| شفق ٍعلى الحِبة ولمس البريمي |
|
ماهوب صيدي قلّةٍ في الحريمي | |
|
| لاشك كلٍ له مع الناس مشهات |
|
مشهاتي أنته،، يا ظبيّ الفريدي | |
|
|
لاشفت زولك ذاك هو يوم عيدي | |
|
| تصبح بساتين الضماير مريفات |
|
الضاد ضدٍ، حال، بيني وبينه | |
|
| يقول هذا، ضايعٍ ٍ، لا تبينه |
|
جعل الوجع يشقيه بصبيّ عينه | |
|
| يسهر ولا يمرح من الليل ساعات |
|
ساعات جعله، ما يشوف الجدارا | |
|
| ولا يعرف الليل، هوّ والنهارا |
|
عساه يوم البعث يحشر حمارا | |
|
| ويحمّلونه حمل الأسراف سيّات |
|
الطاء طويت الياس والسدّ باحي | |
|
| ومعادلي شف ٍ بظبيّ الضواحي |
|
ياعلّها هفّت،، خفوق الجناحي | |
|
| اللي سبوقه، فوق رجله مطوّات |
|
مطوّات وطار، في، يوم هبّه | |
|
| راعيه،، لو رز اللّوى ما ينبّه |
|
طيرٍ قضيب أو الحباري غدت به | |
|
| يبي العشاء من بين فخذ ٍ وثندات |
|
الظاء ظمانه لا تعاشر لك أثنين | |
|
|
ماخبر يجمع في المرابط حصانين | |
|
| يجي لها هز ٍ ودز ٍ وصقلات |
|
صقلات يصقلها إلى أدنوّا طعامه | |
|
| يجي لها، مع المعيشه بحامه |
|
إفهم كلامي يالهبيل الفدامه | |
|
| إلى جمعت الحصن فالحصن خطرات |
|
العين عمّن ينقل الهرج حذراك | |
|
| تراك، كنّك ناقلٍ داك، برداك |
|
والى سمع له هرجةٍ، من حكاياك | |
|
| يحّطها كبر، القصور المبنات |
|
مبنّات مبنات كبر خشم الغرابه | |
|
| ويكدر المشروب عقب الطرابه |
|
وهو يشابه،، بومةٍ، في خرابه | |
|
| لا ناقل الهرجه ولا كفو هرجات |
|
الغين غاب العقل بأول شبابي | |
|
| وأدميت من تلعات الأرقاب نابي |
|
واليوم شاب الراس والكيف طابي | |
|
| ماني على الفايت كثير الحسوفات |
|
حسوفات لا تحزن على اللي مضى منك | |
|
| أيضا ولا تفرح على اللي يجي منك |
|
مادراك وش موجب سبب صدته عنك | |
|
| ناهيك واليّ العرش رب السماوات |
|
الفاء فؤادك، لا توليه حسّاد | |
|
| واحذر يجي لك مع هل الشر مقعاد |
|
إهرج وكنك عن جميع العرب صاد | |
|
| ثم إعتبر بالذيب يضوي بغرّات |
|
يضوي بغرّات ٍ وهم ما دروا به | |
|
| واللي يوقف في المحاري هقوا به |
|
كم واحدٍ وقّف، ولا قضي نوبه | |
|
| يكسر، إلى شاف اللحم كنه حدات |
|
القاف قل للي يريد، النواميس | |
|
| اللي يبي طرق الهوى يرخي الكيس |
|
وإلى بذلت النفس والكيس وإبليس | |
|
| يطيح ناس ٍ، يدّعون الديانات |
|
طاحوا وصاروا للخلايق علاجه | |
|
| يلقى بهم راعي الهوى قضي حاجه |
|
وإلى نثرت الحب جتك الدجاجه | |
|
| حاضت وباضت لوتبي عشر بيضات |
|
الكاف كنْ السّد، في كل الأحوال | |
|
| وإحفظ لسانك، لايقولون ذا قال |
|
حتى تجي عند العرب خوش رجال | |
|
| لاجيت مجلسهم نواظرك صقرات |
|
صقرات لاتجلس من اللي يشاكيك | |
|
| هو داء دواك وتحسب إنه يداويك |
|
ياديب كان الله على الرشد هاديك | |
|
| إكتم كلامك بالضلوع المحنات |
|
اللام ليت العمر،، ينكس لحلّه | |
|
| قيمة ثلاثين السنة، هي محله |
|
الرجل قبل الشيب،، ياحلو دله | |
|
| ولا لاح فيه الشيب مافيه لذات |
|
مافيه لذاتٍ،، ولا، يرغبونه | |
|
| لو حط له ردن ٍ،، وكحّل عيونه |
|
أهل الهوى عقب الغلا ينكرونه | |
|
| لوهو مصافيهم على فايتٍ فات |
|
الميم ماغيري من الناس جرّب | |
|
| ولاهو بمثلي في حياته تطرّب |
|
لاويت صافي اللون فوق المضّرب | |
|
|
مداوات جعله مايجي لك عبارة | |
|
| واللي بصد ٍعنك وش لك بكاره |
|
الحذر، ما ياطا بوسط الخباره* | |
|
| لازم يجي فيها، عقارب وحيّات |
|
النون نام الحظ،، ولا فيه حيله | |
|
| عيّا يباريني، وأنا أزريت أشيله |
|
من يوم فارقني عريض الجديله | |
|
| قامت ايتكسّرفي حشا الصدرعبرات |
|
عبرات ضيقنا،، حنايا ضلوعي | |
|
| عليك ياخلي،، حسين الطبوعي |
|
والله ماجفّت،، محاجر دموعي | |
|
| دايم عيوني في مهاواك سهرات |
|
الهاء هواي السابعة يا الفطيني | |
|
| والثامنة، ياللي تعرف الرطيني |
|
|
| والتاسعة تحصاه بأعداد الأميات |
|
أميات مات القلب من كثرهمي | |
|
| وأشكي عليك الحال ياولد عمي |
|
أنته عضيدي وأنت لحمي ودمي | |
|
| ترضاه يجفاني ولاني بمجفات |
|
الواو ويل أهل الهوى من هواهم | |
|
| كان الذي قد سم حالي وطاهم |
|
كم ليلةٍ، يصبح، غبيبٍ عشاهم | |
|
| إلاّ لقيماتٍ،، مع الحلق مرات |
|
مرّات لين أقضي من الترف شفّي | |
|
|
وأكشف عن اللي بيّن ٍ وامتخفّي | |
|
| ثم ٍ يجي للزاد، والشرب لذات |
|
|
| لوهو يتمم مطلبي كان أقول ألف |
|
حيثه صديق ٍ من قديم ٍ على عرف | |
|
| وإلاّ فغيره لو يبي عشر بيزات |
|
بيزات، ما أفلّها لغيره، بلاشي | |
|
| من جنس رأس الظبي مابي عراشي |
|
إلاّ، لمن مايه،، على ماه ماشي | |
|
| هذاك، من يمّه، فلوسي رخيّات |
|