تاريخ الاضافةتاريخ التعديل
الأربعاء، 9 ديسمبر 2015 11:31:48 م بواسطة جمال نصيرالخميس، 10 ديسمبر 2015 01:21:17 ص
0 184
ما تعزونيش
مماتعزونيش...
أصل المصاب عندى كبير...
و إحنا الغلابة ..المجروحين ..
وعاداتنا بتحتم علينا أننا...
ناخد عزانا ف حالة واحدة ...واحدة بس..
لما يكون الموت ارادة ربنا....
لكن قتيل...؟!
مقتول بايد الغدرارين...!
والمجرمين ...!
فالتار هناخده ..ومجبورين...
لو بعد حين...
*****
عند المصاب ..
لو نمنا بنغمض عنيا....
وقلبنا ..عمره ما نام..
ولا يوم بننسي دمنا ... وسط الزحام
بنعيش وبيعيش وسطنا... زى الكابوس ..
وماندفنوش..
ناخد بتارنا وبعدها ....
.. يبقي السلام...
ماتعزونيش....
مقتولنا أكتر من قريب..
مقتولنا أكتر من حبيب..
مقتولنا أب وأم .. ابن وخال وعم...
مقتولنا ماهوش اى دم...
ومصابنا انتوا كلكم شاركتوا فيه..
فبتبكوا ليه..؟؟
ماشيينا وبتشاركوا معانا جنازته ليه..؟؟
*****
باحلف يمين...
تارك يا مصر مارح ينام طول السنين..
تارك فى دم المخلصين..
عايش ف عين المحرومين..
تارك أمانة عندنا...
حتى ولو متنا وماتت بعدنا..
كل الثكالى والضحايا والعيون السهرانين..
هيجبوا جيل...
ماشربش ذل المجرمين..
مارضعش من صدر الندالة ...
والخناعة ...
ونام فى حضن المرعوبين...
*****
جمال نصير
ديسمبر 2015
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي184