إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
جيت امد اچفوفي يم بابك دخيل
|
اطلب الحاجه بأدب وبمستحه.
|
ربي كون بجاه سيدنا الحبيب
|
ربي كل اعراقي يارب فرحه.
|
بين مولد متصل جيلٍ بجيل
|
وبين طه وجيل ماكو اي شارحه.
|
آني ارجف من اسولف عالرسول
|
.وخدي من اكتب دموعي اتجرحه.
|
هو اكبر من شخص يُكتب عليه
|
هو بس الله يگدر يشرحه
|
جيب انسان الگدر يصعد برُاق
|
ويوصل السابع سمه ومازحزحه.
|
جانت الغيره تدور علشريف..
|
ولنهه باسمك ياغيور موشحه.
|
خيول ابو القاسم تغير اعلل فقير
|
وهنه بس ذني الخيول الجامحه.
|
اني ابديهه لصلاتي من الوضوء..
|
تعوذ الشيطان واقره الفاتحه.
|
لأن كل اعضاي مقتديه وراه..
|
وحب محمد يبقه رايه انلوحه
|
هو بلسانه صلح ياما طغاة..
|
هو حتى الصح يريده يصححه
|
راح من عدنه شباب وي الزهور
|
مانفرقهم اذا بالرائحه
|
عدهم ويه الموت صفقات وعقود.
|
.وهي هايه الصفقه بس الرابحه.
|
صرنه نهوه الموت وفنون القتال.
|
.لأن جدنه حسين فنه ومسرحه.
|
من علي الكرار من نام ابفراش.
|
.الحبيب الغالي قصده موضحه.
|
ياما للحريه رشينه دماء.
|
.ابكثر ماباگتنه ذيج المانحه.
|
هواي عدنه احلام ياأمة الحبيب.
|
.بس ربحنه بيوم چفه نصافحه.
|
هو حتى السانه ماصخ اكيد.
|
.وبالصلاة اعلل رسول انملحه.
|
الزهيري |
يالله يلي گلت تالي العبد ..روحه لي |
مشتاگ ازور النبي هم تنحسب..رحه لي |
يمنعني هو العذر ناخ او وگع ..راحلي |
بالدين واحد بدا وچان ابشبابه..فتاً |
اتفرقنه بعده شعب وهواي عده..فتن |
افكار چانن خرس لفن عمايم..فتن |
گدما فركت الرحا ماظل بعد..راحه لي |