تاريخ الاضافةتاريخ التعديل
الأحد، 27 ديسمبر 2015 11:12:36 م بواسطة جمال نصيرالأحد، 27 ديسمبر 2015 11:19:41 م
0 230
الجماعة......بهدلونا
عسكرونا...
الجماعة... عسكرونا...
شافوا إن الحبل سايب
قالوا ييجوا ... يربطونا...
شافوا إن الشعب جاهل..
شافوا ييجوا يعلمونا...
شافوا ان الفقر عشش بين ضلوعنا..
قاموا برضه ...يرفهونا...
شافوا ان الغلب بين الناس بينزف..
من ضلوعهم .. من جنابهم..
قالوا حبه يدلعونا...
الجماعة ..دول صراحة... زودوها وهيصونا.....
*****
علمونا ورفهونا ودلعونا ..
يعنى بالمعنى الصريح دول ....
عسكرونا..
جمعوا كل المشاكل..
والمصايب...
جوا أوسخ مخله ميرى..
وفوق ضهورنا.... شيلونا...
وال مش فاهم بأقوله ....
خوز......ونا
*****
المناصب ..للجماعة...
المحافظة والسفارة...
والادارة ... والوزارة..
والرقابة ...والنيابة..والعمادة ...
بس سابوا للغلابة ...
للمواشي فى الحظيرة ...
دور خطير
تشتغل ... دور الغفير
*****
والجماعة دول مهارة ف الصناعة ....
زيت وسكر
عدس اصفر
والقطايف...
والفطاير...
والمعلب والمشكل..
احنا بس علينا نحلم ...
والبضاعة راح تجينا...
إحنا بس علينا ناكل....
ندفع المعلوم .... ونبعد ع المشاكل..
بس أخر اليوم يمروا...
يحلبونا..
*****
للتدين ..علمونا...
أصل دين أبونا ..... همجى...
يبقي دينى .. إل تحكم بيه .....مشاعرى...
والمشايخ ....صدعونا ...
والكلاب السايحة تنبح ...جوا ودنى
دينا ...وسطى...
توهونا ....
أصل مش عارف بجد.. معنى وسطى..؟!
يعنى أربط وسطى بحزام ....
يعنى أرقص...
زى فيفى .. أصل فيفى تبقى أمى..!!
زى إلهام ...إصل إلهام ...هى هتعلمنى أصلي..!!
واسرائيل .. دى بنت عمي..
ساكنة جوا جوا قلبي...
والجهاد ف الحق إرهاب مستخبى...
يعنى فكرك..
يعنى صوتك...
جوا نفسك .... وهم يعنى.....
*****
الجماعة ... دول صراحة... يستحقوا...
طول ما إحنا ولاد "........" ومتنحين...
يبقي ييجوا فوق رقابنا ويدسوها ... مرتاحين...
شللي حتى يركبونا ....
برضه مش هنقول غير إحنا..... مبسوطين....
إعملوا ال ف خاطركم ....
دى بلادكم ...
وإحنا يادوب .... فى الزريبة ... مربوطين
*****
من قصائدى القديمة
ديسمبر 2011
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي230