تاريخ الاضافةتاريخ التعديل
الأربعاء، 17 فبراير 2016 10:39:06 ص بواسطة حسن إبراهيم حسن الأفنديالأربعاء، 17 فبراير 2016 11:40:51 م
0 64
وهم الأماني
يا شوق خلاص
يا شوق بلاش
ما تملا في قلبي وتدفق
وتسأل الطير المهاجر من بلد
لبلاد كتيرة يوم يشقشق
مستحيل يرجع زمان
ومهما كان
وحرام تعيش وهم الأماني
رجِّع الزمن المضى من تاني تاني
ما خلاص العمر فات
خلّف جميل الذكريات
وعن قريب قدمك مفارق
جايي تطرى
وجايي تهوى
بعدما شيبك كتر غطى المفارق
انسى ذكراك الحزينة
والليالي الكان حنينة
وين تلاقي حبيب فؤادك
وكيف تعيش لجديد ودادك
النصيب بقى في سهادك
قلبي ميز ....قلبي فرّق
لو تغرّب ...هو بيشرّق
إيه لزوم الشوق بيملاك ويدفق
***********
يا حبيبي عشت في أعماقي ذكرى
لا نسيت في يوم حنانك
لا عيونك ....لا بياض لولي بسنونك
ورقتك ظلت مقالي ومفرداتى وكل فكرة
إن رأيت الشمس بطرى
أو رأيت في سمانا قمرة
خلت أني أراك وتشرق
الرهيف قلبي البيخفق
هل تعود تلك المواضي
أقضي باقي العمر راضي
مستحيل طبعا حبيبي
رغم إنك في قليبي
إنت شرياني ووريدي
وإنت شوقي
وإنت روقي
وإنت ريدي
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. الشعر العامي64
جميع الحقوق محفوظة لبوابة الشعراء .. حمد الحجري ©