تاريخ الاضافةتاريخ التعديل
الأحد، 21 فبراير 2016 01:40:27 ص بواسطة محمد ابو يوسفالسبت، 12 مارس 2016 01:48:02 ص
0 410
إنت البعيد
يا شعب مصر مره افهمنى
انت الوحيد اللى هاممنى
اللى انت فيه دا بيئلمنى
ويا شعب إغضب لو مره
كلامى دايما ف الممنوع
ف اسباب شقانا واسباب الجوع
بخش دايما ف الموضوع
بس افهمونى ولو نظره
بنحب ليلى بطريقتها
هواها شعبى وهويتها
لولا يا خلق محبتها
لسيبها وامشى من بكره
بلفت نظركو يامصريين
ياأهل بلدى يامنسيين
كان نفسى تبقوا بنى آدمين
وتعيشوا صح ولو مره
اصل البعيد اللى نهبكو
ومسلطينو على رقابكو
ومسلطنينو ف عذابكو
مش فارقه وياه الآخره
ياللى محكوم من روسيا
وبعت نيلنا لأديسيا
ومعاك أمركا وأوراسيا
ياللى انت على أهلك جمره
نفسى تموت كالقذافى
وتنقتل عطشان حافى
وتنقبر زى أسلافى
ونكسر وراك مليون جره
إنت البعيد اللى قتلها
والشؤم اللى ف موالها
يا ويلنا منك ويا ويلها
إن لم نقوم تانى بثوره
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي410