ياهاجسي ستل جناحك حوم من فوق السحاب | |
|
| مادام جزلات المعاني مستوي مضرابها |
|
جوب المراتع والدير ..وانقى من افكارٍ عذاب | |
|
| والفكرة الهزلة تنحى لاتجي بترابها |
|
حول على الجزلة وخلصها من أفواه الذياب | |
|
| من وده بعيشة غنا .. لازم يهوش ذيابها |
|
خلك على خبري متين الجنب صلفٍ ماتهاب | |
|
| اللي رقى فوق الطوال الشامخة ماهابها |
|
من خبرة الايام والتعليم معطيك الزهاب | |
|
| هات الكنوز ولاتشح بها على طلابها |
|
في مدح قومٍ فعلهم من ثامن السبع العجاب | |
|
| تزاحمت بذهون خلق الله كبار ألقابها |
|
خيالة الجدعا .. زحول القوم .. مروية الحراب | |
|
| لااصطكت الاقوام بالميدان من يصخى بها |
|
هم عزوتي هم مسندي وقت الرخا والا النشاب | |
|
| امن الوفا والطيب والناموس خيط ثيابها |
|
ربعي مداغيش الوغى .. ربعي عزيزين الجناب | |
|
| ربعي الرجال اللي تهاب القوم طعن حرابها |
|
لبسوا من الفزعة وعز النفس والصملة ثياب | |
|
| عزايزة .. والنعم في شبابها وشيابها |
|
بقيادة شيوخٍ بعضهم مندفن تحت التراب | |
|
| واذكارهم كتب ٍ ولو طال الزمن نقرى بها |
|
سلالةٍ تاريخها بيديننا مثل الشهاب | |
|
| يطيب لنا في ليال المفخرة مسرى بها |
|
منادهه وقت اللقا يحسب لجيتهم حساب | |
|
| وحضور هذا الوقت شاهدها على غيابها |
|
ومنا رجال ماغطى تاريخهم ستر وحجاب | |
|
| ولو كثروا بعض البشر باستارها وحجابها |
|
كان الولد فينا يضد القوم مااثناه الصواب | |
|
| وقتٍ به العالم تهوج ولا يهود ارهابها |
|
واليوم في وقت الرخا .. والسيف عود للجراب | |
|
| الا على من يقضي الحاكم بقطع ارقابها |
|
بقيادة الزيزوم نبع الطيب حلال الصعاب | |
|
| عبدالله اللي جاته العليا تبوح اعجابها |
|
قرمٍ كفوفه جودها للناس من جود الرحاب | |
|
| هلت على كل الديار هضابها وشعابها |
|
امن الشجاعة والفراسه واصلٍ حد النصاب | |
|
| جملة وكم واحد من العالم يهوز اعرابها |
|
الله يديمه بيننا وينوله بأجر وثواب | |
|
| ويالله عسى عسر الليالي ماتجي بجرابها |
|
لقيت قدامي سؤال ورحت ادور له جواب | |
|
| يالله جمل هالاجابه في عيون اصحابها |
|
ويالله جملني بعين الشيب وبعين الشباب | |
|
| والصيد فيه صقور واجد سننت مخلابها |
|
وانا ماني قاصر شبور بجنب من ودى وجاب | |
|
| واللي تموت بها العزوم في خاطري بحيا بها |
|
وياطير علم داعج العينين قباض الخضاب | |
|
| اللي خذت منصور وفواده بعكش أهدابها |
|
لا لا تعجل بالتزين تنتظر باقي الخطاب | |
|
| حتى تميز بين جير السالفه وغرابها |
|
وان كان مانومستها لا لاتلحقني عتاب | |
|
| تخفي معالم حسنها عن عيني بجلبابها |
|
وتشوم عني دام سيف الوقت بالميدان عاب | |
|
| لا تحتزم في سيف بصدوف الليالي عابها |
|
اذا حضوري ماحبسها عن طعام وعن شراب | |
|
| عقبني الفنجال قدم الناس ياصبابها |
|
بعض النفوس ليا حضرت قلنا عسى مابه غياب | |
|
| وبعض النفوس ليا حضرت كلٍ تمنى غيابها |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
