إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
لِسّاك واقف بتراقب حركتها! |
بتعلمها تطير مع إنك |
حابس جوة ضلوعها الخوف |
الخوف من نسمة شديدة |
تحمّل على جناحتها وتكسرها |
سيبها ترفرف .. |
عايزة تطير فى براح الكون |
لجل تكون ... |
شمس نهارك |
ضي نجوم الليل |
بين عتمة أيامك |
لكن بتخااااف |
فبتنزل تتدارى |
ما بين أوراق أفكارك |
ونهارك .. |
مخنوق بخيوط الشمس النعسانة |
والليل الفايت .. |
لساه فارد دراعات الضلمة على الجدران |
قوم هد جدار الصمت اللى ما بينها وبينك |
وزيل أسلاك الخوف الشايكة |
السدّة طريق خطاويها |
وعدّى،، |
خلّى العمر يهدّى فى محطة أفراحك |
من حقك تتنفس .. |
لجل ما هي كمان تتنفس |
وتعيش ملكك |
وخلّى ف علمك ... |
أن طريقها اللى أنت رسمته |
ورسمت حدود خطواتك فيه |
لسااااه ممتد معاااااك |
وهتفضل برضه جريح |
فغيركل خطوط ومعالم سكتها |
وأرسمها من الأول |
أرسمها زى ما كانت م الأول |
يمكن يتحول يوم الريح |
ويكون نسماية صيف |
تاخد جناحتها وتعلي لفوووق |
وتفوق من غيبوبة حلمك |