إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
أنا وانتَ غلبنا الشوق |
ومش لاقيين لشوقنا حل |
وليه خايفين من الأيام؟ |
ونتحايل على الأحلام تجمعنا! |
ساعات خطوتنا تسبقنا |
تجمّعنا، |
تفرّقنا، |
ويوم ما نلاقى أشواقنا |
تتوه منّا مع الأيام |
ومهما يطوول ما بينا الليل |
ونلقى نجومه ملهاش ضي |
ويتغير ما بينا كلام ... |
بنلقى الحلم جوانا |
بيبعدنا عن امبارح |
يقربنا ليومنا الجاى |
سنين العمر بتعدّى |
وما تهدّى |
ولسة قلوبنا مشتاقة |
عشان يمكن هتتلاقى |
وتمسح دمعنا الساكن على خدودنا |
وترسم فوق ملامحنا |
شعاع أبيض .... |
ينور عتمة السكة لفجر جديد |
ولو حسينا أنه بعيد .... |
تعالى نقصّر السكة |
على الأحلام، |
وع الأيام، |
ونتلاقى أنا وانتَ |
بايد فى الايد |