في ليلٍ محلا حنينه بالفل مع ياسمينه | |
|
| والشوق قدام عيني كانت ثواني ثمينه.. |
|
وكانت تْفلّي شعرها والشعر غطا ظهرها | |
|
| سبحانه أكمل قمرها والقلب الله يعينه.. |
|
الشَعر مجدول واسود حريرٍ لا بعد أزود | |
|
| تْشوش به ثمن عود كنه متسرّح بْحينه.. |
|
قامت تبختر أمامي وانا هيمان بغرامي | |
|
| اتقول اسمع كلامي واقول لك ما تبينه.. |
|
قالت مْضايقني طوله قلت بضحكه ذي محلوله | |
|
| دامك من طوله مملوله عادي لوّك تقْصرينه.. |
|
قالت يعجبك القصيّر؟ شكلي به يمكن يتغير | |
|
| قلت انا والله متحير في مجمل حالاتك زينه.. |
|
حطت يديها تحت الخد وقالت وشرايك هالحد | |
|
| قلت مبالغ به من جد! وأدري ما راح اتقصينه.. |
|
راحت ليلتنا وروحنا ولوما وَعَدنا بيّحنا | |
|
| وفي ثاني ليله فَرَحنا في موعد متواعدينه.. |
|
جيت وعن مغشاها شالت دارت قدامي ثم مالت | |
|
| مدري وش قالت ماقالت جتني لحظات السكينه.. |
|
وشلون اوصف احساسي وكلام داير في راسي | |
|
| والصمت بهالموقف كاسي يا وين عقلي يا وينه.. |
|
جتني ثم قالت علامك ساكت وانا ابغى كلامك | |
|
| واللي زرع بي غرامك واللي كرّمْنا بدينه.. |
|
شَعري من حُبك خليته ولولا حبك ما قصيته | |
|
| لكن قلبي عندك بيته ولا ودي غيري سكِينه.. |
|
قلت انتي ياعمري انتي والله يا روحي زنتي | |
|
| و لكامل زينك بينتي واثبتي بإنك ثمينه.. |
|
وكنت احسب موضوعك مزحه في قولّه ولافي شرحه | |
|
| لكن تاليها جت فرحه ويحْلَّو اللي بتسوينه.. |
|
واول أجمل والحين أجمل والزين كل ماله يكمل | |
|
| والقلب كل ماله يثمل معقووله أنتي من طينه.!؟ |
|
وينك يا معذرب قصتهم تعال وشف ذي حلوتهم | |
|
| وما كل لوحه لوحتهم والزينه تفرق عن شينه.. |
|
وهالحين روحي وريهن وبْكل اشكالك أعميهن | |
|
| و تكفين لا تجلطيهن يكفي قْلوبن حزينه.. |
|
واقري على نفسك اكثر والعين سكين واشطر | |
|
| ومن يذكر الله بِيُذكر وما خاب رافع يدّينه.. |
|
والحمد للي حماها وبالعين لا ما بلاها | |
|
| والعمر ماشي معاها والوقت يا سرع سنينه.. |
|
والشَعر لا بده يطول حتى ولو كانه طوّل | |
|
| وهالشي صاير من اول والحين مغطي ردفينه.. |
|