يا خالد اسمع ما طرالي وانا ابوك | |
|
| واللي بقوله جاك في هيئة ابيات |
|
طرزتهن من دون الاقلام والبوك | |
|
| واسترسلت أفكار والِدك بسكات |
|
تكبر وتلقى من بالاصحاب يغلوك | |
|
| أللي لهم مع طيب الافعال وقفات |
|
ذولا يمينك ما بهم ريب وشكوك | |
|
| والصاحب الصاحب له الود وان ماات |
|
وان شفت ما شافت عيوني وخلّوك | |
|
| ربع المصالح ساعة الضيق بشتات |
|
خلّك جبل لا تحزن آ بيوم عافوك | |
|
| تبدي لك الأيام ما كان وان فات |
|
دم الحيا في وجه الانذال مسفوك | |
|
| واحيائهم يا بوك في حسبة اموات |
|
أللي ليا من غبت بالحال ذموك | |
|
| لوّك عليهم مرخص الروح والذات |
|
خذها نصيحه يا ولد عطهم آ بلوك | |
|
| ما هي خساره لو قطعت العلاقات |
|
واللي بعلم الغيب يابوك محبوك | |
|
| إقنع بما ياتيك وشلون ما جات |
|
ل اتغرّك الورده ترى حصنها شوك | |
|
| والشوك ما يقرا للانسان نيات |
|
وان شانت الدنيا ترى الصبر مبروك | |
|
| أصبر ترى يابوك للوقت ميلات |
|
لا تبدي الضيقه لو الناس حدّوك | |
|
| رزقك على اللي دعّم الحقّ بثبآت |
|
تضحك لك الأيام وايام بضنوك | |
|
| ولا تطلب الا الله في كل الاوقات |
|