الفزعه اللي دونها تطنخ الروس | |
|
| عزّ الله انها تجلي الضيق كلّه |
|
ولا الّذي من دونها جهّز الموس | |
|
| ايزيد فوق الضيق مليون علّه |
|
وما دام تنشد وش له الضيق وتحوس | |
|
| يا صاحبي بعطيك دقّه وجلّه |
|
حظّ الشّقي متعوس وان طاب متعوس | |
|
| وملازم ن له في رحيله وحلّه |
|
من دنيتي ماخذ رغم أنفي آ دروس | |
|
| و ابخن جميع الناس من كل ملّه |
|
لين اعتزلت الكل وامسيت مغلوس | |
|
| مالي ومال بروق ناس ن مملّه |
|
امعاكس التيار وان قيل معكوس | |
|
| يا عنك خلّ القول والقيل خلّه |
|
عن عالم التشفير ومقارع الكوس | |
|
| اخترت لي عالم ولا احدن يدلّه |
|
بين انطواء الذات وطقوسي طقوس | |
|
| راضي به ويغني عن الزود قلّه |
|
والله ورب البيت ما ضيقي فلوس | |
|
| رغم الفقر قانع ومشكاي لله |
|
عايش واعد ايام والحال ميؤس | |
|
| من خابت الهقوات باللي نجلّه |
|
فكري شتات وغادي ن حيل ملحوس | |
|
| والهمّ سيف ن جاير الوقت سلّه |
|
ايردّني عن بعض الابيات ناموس | |
|
| من خوف لا تكتب مع الوقت زلّه |
|
أضرب مثال وأدرج البيت في قوس | |
|
| ولا بلاش القوس ما هو محلّه |
|
الحر موته أبرك ان صار محبوس | |
|
| وشلون لا من شاف بالعين ذلّه؟ |
|
هذا أنا يا مسندي هبس وهبوس | |
|
| ويا كثرهم مثلي رثع فيه غلّه |
|
من قسّوة الأيام والليل كابوس | |
|
| يطرد ورانا واعذب النوم تلّه |
|
واقع ولاجله لجلج وثار هاجوس | |
|
| والهاجس اليا ثار ماله أخلّه |
|
ماهو تبلي شاعر ن بات ممسوس | |
|
| ريق الفخر يحتاج كفو ن يبلّه |
|
الأجنبي من خير الاقراب متروس | |
|
| ويطيب فاله كل الاوقات فلّه |
|
ولا العقارب صفوة اقراب وانجوس | |
|
| فيها ومنها مصدر السمّ والله |
|
واستغفر الله لكن البوق ملموس | |
|
| واضح ولا يحتاج شرح وأدلّه |
|
من شاخت الهربش غدى الحق مطموس | |
|
| و اذناب شيخان العبي مسفهلّه |
|
وبكل ديره ثلّة تيوس وتيوس | |
|
| ما تعبد الا يحفظ الله ظلّه |
|
أفلاذها ترئس وغادي لها ضروس | |
|
| وافلاذ باقي الناس تحتاج طلّه |
|
دسمة شواربهم زفر زايد البوس | |
|
| للزيف والتدليس خيط ومسلّه |
|
انا اشهد ان هروجهم قرقعة طوس | |
|
| والشيخ ما هو شيخ! شيخ ن لثلّه |
|
وانا ورب البيت لولا بعض روس | |
|
| ل افتي واجيب العيد قبل الأهلّه |
|