تاريخ الاضافةتاريخ التعديل
الأربعاء، 13 يوليه 2016 04:07:00 م بواسطة جمال نصيرالخميس، 14 يوليه 2016 12:23:24 ص
0 158
يوسف الصديق
كرهوك يا يوسف وانت لسه ف حجر أبوك..
والحقد ولع قلبهم ...كيف يقتلوك...
خانهم شيطانهم بس رب الكون حماك.....
وف قعر بير ...
حواليك ديابة صعرانين..
ناس مسمومين...
رب البشر .. حفظك ...نجاك...
*****
واستكثر الملاعين عليك ... الطهر فيك..
ماشافوش جمال الطهر فيك....
ماشافوش ضميرك...ذمتك....
خوفك على دينك أمانتك ....
كل شئ..
وجسارة الرجل ال عايز لجل مبدأ..
لجل شعب... ولجل عدل ..
لو يضحى.... بأى شئ....
ولا حسوا مرة بنور إيمانك ...بيراعيك
خانهم جمال الشكل فيك....
ظلموك وجابوا الشك فيك...
خانهم شيطانهم بس رب الكون حماك
وف سجن ..بين المظلومين..
كل الغلابة المقهورين...
حفظك رعاك..
*****
وخرجت يا يوسف...أمير...
وبدل ما تبقي أنت الأسير... خلوك وزير
وسجد على رجلك كتير...
الكل يا يوسف ركع لك ....
م الكبير...حتى الصغير..
علشان ملاك...؟!..... لامش ملاك..
علشان معاك وسطة ....كبير؟؟
علشان أبوك رتبة ..مشير...؟؟
أبدا يا يوسف.....أصل رب الكون ...معاك
الرب ما بينصرش ظالم...
أو منافق ....
او جبان...
الرب عادل ينصر المظلوم وبيحقق مناه...
*****
وأكيد يا يوسف زى حالتك فيه كتير ..
ملهاش عدد..
فبلادنا يا يوسف سجون ....أو بيوت ...زى الهدد...
ظلمك يا دوب فرعون وآمن فى النهاية بيك نبي..
فبلادنا يا يوسف فراعنة ف كل شئ...
وف كل ناصية... وكل حارة.. وكل شق من البلد...
لكن أكيد مستنيين...رحماة إله..
نصرك وناصر كل مظلوم مهما كان...
مستنيين ..ييجى ...المدد...
*****
جمال نصير
13 يوليو 2016
إسم الشاعرإسم الكاتبالبلدإسم القسمالمشاهدات
جمال نصيرجمال نصير 2مصر☆ دواوين الأعضاء .. عامِّي158
لاتوجد تعليقات