تاريخ الاضافةتاريخ التعديل
الخميس، 1 سبتمبر 2016 03:03:23 ص بواسطة محمد ابو يوسفالخميس، 1 سبتمبر 2016 11:27:49 ص
0 232
سلام
سلام يا ثابت كالجبل
سلام عليك يابن الحسين
نظرة عنيك تدى الأمل
وتكون آيات للسائلين
ياللى عارفك من ساعات
وكأنى عارفك من سنين
هتفضل قريب مننا
وف قلب ناسنا الطيبين
ياللى ضحكايتك عسل
تلدغ قلوبنا الموجوعين
قاعد ما بينا كالقمر
واحنا الكواكب منثورين
لو يوم تغيب توجع قلوب
وتفوت عذاب وتفوت حنين
كسبت قلوبنا كلنا
بغيابك احنا الخسرانين
فى كل يوم وقت الصلاه
كنت تنادينا نقول آمين
وكنت تدخل كل يوم
وكنا دايما فرحانين
ومهما تبعد بالجسد
هنفضل يا قلبى مشتاقين
يابن الحسين إنت الحبيب
حتى المكان أصبح حزين
من غير كلام تسكر قلوب
يا منور الدخان سنين
نصايحك لينا نور طريق
وليها جوا الروح أنين
خلاص هتمشى يا قمر
وتفوت قلوبنا زعلانين
ألفين سلامه يا جدع
حبك علينا فرض عين
ولو ف بعدك نتوجع
نسأل عليك احمد حسين
قصيده قلتها فى خروج زميل على المعاش
نتمنى الخير للجميع
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي232