هاج بحر القصيد بوسط عوج الحنايا | |
|
| يلتطم موجه وريح المعاني تسوجه |
|
ما شعاني كلام أهل الحسد والوشايا | |
|
| لكن الفكر له هوجاس دايم يلوجه |
|
أحمد الله عظيم الشان رب البرايا | |
|
| سخّر الجزل بلساني وصدري فجوجه |
|
ما عليّ الملام ولا عليّ الزرايا | |
|
| دام صوتي صريح وله مع الناس روجه |
|
عقّب البندق اللي ثوّرت بالخبايا | |
|
| ومن طلبني بحجّة لا تهاوى بروجه |
|
علّم اللي يجيب الزيف ضمن الحكايا | |
|
| البحر لو هدا لا يأمن يهيج موجه |
|
من يقول الحكي ويذمّني في قفايا | |
|
| القفا حيلته والضعف يا كثر فوجه |
|
أحشم إنسان لاجل إنسان سمح السجايا | |
|
| والقنيدي فهيم بمدخله وبخروجه |
|
ما اكثر اعداء النجاح وجعلهم من فدايا | |
|
| ودّهم كل ناجح تجدب اخضر مروجه |
|
كم مواهب مع الأيام راحت ضحايا | |
|
| والسبب كلمةٍ من ناقصٍ جات عوجه |
|
من سمع للكلام يصير حلمه سبايا | |
|
| وفي طريق الفشل لو سار تطفي سروجه |
|
والثقة تجعل الرجّال فوق العلايا | |
|
| والله اللي يعينه والبشر لا يحوجه |
|
حاجةٍ عند رب الخلق فيها دوايا | |
|
| وحاجةٍ عند خلق الله جات مْعووجه |
|
والقصايد عزيزة لو تبيّح خفايا | |
|
| في عيوني تساوي بنت حلوة غنوجه |
|
اعتلت بالنوايف ما ركنت بالزوايا | |
|
| كل دربٍ صعيبٍ ما تهابه تبوجه |
|
وقام شاعر وسمها بالوفا والعطايا | |
|
| والردي لو يعذرب ما تعدّى هروجه |
|