لا تسألوني ليش اقول القوافي | |
|
| هذا السؤال اللي مااحبه، ولا ابيه |
|
يكمن ورى نظم القوافي خوافي | |
|
| وراع الهوى ما كل موضوع يبديه |
|
والحب موت احمر، وسم زعافي | |
|
| ماله علاج، ولا طبيب يداويه |
|
يؤتي ثماره كل ما كان خافي | |
|
| واذا انكشف للناس ضاعت معانيه |
|
واصبح حديث أهل النفوس الضعافي | |
|
| ما احد يخلي صورته دون تشويه |
|
وتذبل زهوره قبل وقت القطافي | |
|
| ولا يجني الا الهم، والغم راعيه |
|
يصير خاين عهد لو كان وافي | |
|
| والناس بالبهتان، والزور ترميه |
|
|
| ويقال فيه وفيه شيء ما هو فيه |
|
ويصدر بحقه حكم دون اعترافي | |
|
| وتستأنف الجلسات من دون تنبيه |
|
ومهما تظلم ما يشوف العوافي | |
|
| قاضيه يطعن في نزاهة محاميه |
|
|
| ماله حقوق، ولا حكومات تحميه |
|
مثل الغريب اللي بوسط الفيافي | |
|
| يسير في دربه على غير توجيه |
|
|
| والموج الأزرق يرفعه، ثم يرخيه |
|
هذي حقيقه ما عليها اختلافي | |
|
| حادث مؤكد،، غير ممكن تلافيه |
|
وين المحب اللي حموله خفافي | |
|
| يقضي حياته في سعاده وترفيه؟ |
|
ويا هل ترى المهزوم له شوط إضافي | |
|
| ؟ أكيد: لا، ما فيه عاقل يقول: ايه |
|
وارجع واكرر في نهاية مطافي | |
|
| للي سألني: يوم اقول الشعر ليه؟ |
|
لا تسألوني ليش اقول القوافي | |
|
| هذا السؤال اللي ما احبه ولا ابيه |
|
|
|
|
| استيسرتني وادهشتني قوافيه |
|
من شاعراً صاغه بشكل احترافي | |
|
|
اتقول مرشد مسنداً للنصافي | |
|
| آليا قصد في ليلةً من لياليه |
|
|
| جواً على بدع الطواريق يغريه |
|
اختار من بنك البيوت اللطافي | |
|
| ابيات شعراً من سمعها تسليه |
|
وصّف لنا الموضوع وصفاً خرافي | |
|
| في ذمتي مافيه وصفاً يضاهيه |
|
يغرف من امحيط القصيد اغترافي | |
|
| يومن كلاً ما قرب من شواطيه |
|
لاجيت اجاري مفرداته بقافي | |
|
| اشعر برهبة كلما جيت اجاريه |
|
وانكان ماجاء الرد كافي وشافي | |
|
| ما ودك الشاعر على الناس يلقيه |
|
وأقول ياراعي البيوت الظرافي | |
|
|
والحب اذا جاوز حديث الاشافي | |
|
| اصبح كلاماً معظم الناس تحكيه |
|
واللي له المحبوب كاره وجافي | |
|
| يصبر على جفوة وليفه وغاليه |
|
وان شاف ضوء الحب خافت وطافي | |
|
| يشعل شموعه في نهاره واماسيه |
|
|
| من هجر محبوباً فواده مهاويه |
|
والصب لو يمشي على الشوك حافي | |
|
| من شان مضنونه تحمّل مواطيه |
|
والود من جانب فقط غير كافي | |
|
| ونهايته توصل لدوامة التيه |
|
مثل الكتاب اللي بليا غلافي | |
|
| تقرا بمتنه ما يعارض حواشيه |
|
واللي بدا بالسعي قبل الطوافي | |
|
| يصبر على تانيب شيخه ومفتيه |
|
وآخر كلامي يالشجيع السنافي | |
|
| اسلم ودمت ولك من الورد بوكيه |
|
|
|
جو القوافي صار صافي ودافي | |
|
| تعالت أنغام الفرح في مغانيه |
|
اقبل يزغرد في ثياب الزفافي | |
|
| وبدون ما اشعر قلت: ياهيه، ياهيه! |
|
رجعت له مشتاق بعد انصرافي | |
|
| استدرك الموضوع واضيف تنويه |
|
للشاعر اللي لا انطلق ما يخافي | |
|
| يطير، واسراب القوافي تباريه |
|
وان قال: صفي لي، تصف اصطفافي | |
|
| وتقول دون شروط: لبيه، لبيه |
|
وليا حضر في المهرجان الثقافي | |
|
| قامت جماهير المحافل تحييه |
|
|
| يوم الأدب يرفل بكامل تعافيه |
|
جزل المعاني يكتشفها اكتشافي | |
|
| ويلعب عليها باستثاره، وتمويه |
|
|
| يقودها نجم البرازيل بيليه |
|
في السوق سهمه مثل سهم المصافي | |
|
| يوم المؤشر كان واصل لعاليه |
|
والحب فيروس القلوب الرهافي | |
|
| والفطن يا جندب هو اللي يخبيه |
|
وترى انكشافه ماهو اي انكشافي | |
|
| والصب لو يخفيه ما عاد يمديه |
|
تصبح علومه بين مثبت ونافي | |
|
| و سهوم خلق الله تصيبه وتخطيه |
|
|
|
ونهر المحبه يعتريه الجفافي | |
|
| ترحل عصافيره وتجدب نواحيه |
|
وتبدا كوابيس السنين العجافي | |
|
| ترقص على جرح المولع وتدميه |
|
يسهر وغيره تالي الليل غافي | |
|
| ويحس بالغربه وهو بين أهاليه |
|
|
| كلاً مثل ما قيل: مافيه كافيه |
|
الرابح اللي مهتني ومتعافي | |
|
| تجنب أسباب الغرام ودواعيه |
|
|
| قبل الفجر ساجد لربه يناجيه |
|
تم الكلام، وفي ختامه تضافي | |
|
| من كاتبه عذب التحيه لقاريه |
|
|
|
يعمير كيف البن ماهو بكافي | |
|
| بن اليمن ماهوب نسكاف كافيه |
|
قم قهوني وان جاء من القوم لافي | |
|
| دير الدلال وكل مطنوخ قهويه |
|
وزيد القبس بين الثلاث الاثافي | |
|
| والنجر دقه لين الاحرار توحيه |
|
منزلك لهل الطيب ريف ومضافي | |
|
| والناس دايم تتجه له وتلفيه |
|
لا تذبح الا من سمان الخرافي | |
|
| والغالي افلح من يبعه ويشريه |
|
واكثر من الترحيب وادن الصحافي | |
|
| واكرم ضيوف آبوك واكرم عوانيه |
|
وآليا ارتشفت امن الدلال ارتشافي | |
|
| ودي عليك اردد القاف وامليه |
|
رداً على ابياتاً عذاب ونضافي | |
|
| من شاعراً شعره عن الناس مخفيه |
|
مخفي قصيداً راقياً ما يعافي | |
|
| اتقول بستاناً تدنت نواميه |
|
فيه السفرجل والعنب والجوافي | |
|
| والخوخ والرمان داير حواليه |
|
والتوت مزروعاً بكل الحوافي | |
|
| يبغى الذي يقطف ثماره ويجنيه |
|
لا خذت حوله جولةً والتفافي | |
|
| ابهرني المنظر واطلت النظر فيه |
|
شعراً تفوه به زعيم القوافي | |
|
| الشاعر اللي مالك الملك معطيه |
|
مايبدع الا المحكمات الحصافي | |
|
|
وفي الهوى ماهوب مسرف اسرافي | |
|
| والسر والكتمان عادة معاليه |
|
حافظ وداده عن حكي كل هافي | |
|
|
من شان لا تذهب جهوده جزافي | |
|
| ثم يشمت العاذل ويفرح معاديه |
|
ذكرني ابوقتاً مضالي وطافي | |
|
| وقتاً تذوقنا مراره وحاليه |
|
ايام كنت آقف واطيل الوقافي | |
|
| راس العسيراللي تعاوى ضواريه |
|
اشكي غرام اموردات الشفافي | |
|
| المكثرات امن العتب والمشاريه |
|
احداهن اتلفني هواها تلافي | |
|
| مزيونةً سلم الهوى ما تدانيه |
|
بنت المعاثير الغلاظ الجلافي | |
|
| اللي لعطران الشوارب مكاريه |
|
لو هو حلال النهب والاختطافي | |
|
| خطفتها والليل خاويت عاويه |
|
قد في محبتها انجرفت انجرافي | |
|
| حتى دنا موتي وبانت مواريه |
|
|
|
وياما انذرف دمعي عليها انذرافي | |
|
| وابكي سواة اغليماً فاقد ابيه |
|
عبر السنين الثايرات الصلافي | |
|
| اللي تهد الجدّر واحيان تبنيه |
|
تعصف عواصفها وتسفي السوافي | |
|
| وفي البحر قامت تزمجر عواتيه |
|
ومن المواليف افتقدت المرافي | |
|
| واللي هوته النفس بين تجافيه |
|
واللي يعاني من جراح التجافي | |
|
| بيموت والجرح الذي فيه يشكيه |
|
|
| وبشمس لو يبحث عنه ما يلاقيه |
|
عينه ترا وتشوف مالا يشافي | |
|
| من فورة اعصابه وكثرة طواريه |
|
ماينطفي جمره بماي المطافي | |
|
| وحتى المحيط الاطلسلي مايطفيه |
|
والمهتوي تصبح عضامه نحافي | |
|
| ويعاف كل اللي يريده ويبغيه |
|
|
| وتزيد روحاته وتكثر مساريه |
|
عبر الدروب الضيقات القصافي | |
|
| اللي بها الرجال يلقى بلاويه |
|
|
| نال الذي يسعد فواده ويرضيه |
|
هو ماعليه الا يقول الكفافي | |
|
| والله هو اللي وقتها سوف يهديه |
|
الوقت يمضي والليالي مقافي | |
|
| والعمر يربح من تدارك تواليه |
|
وازكى تحيات القلوب الولافي | |
|
| تاصل لسالم في محله واراضيه |
|
|