تاريخ الاضافةتاريخ التعديل
الإثنين، 7 نوفمبر 2016 12:42:09 م بواسطة محمد ابو يوسفالأربعاء، 25 أكتوبر 2017 03:23:16 م
0 261
بندعى
صباح الخير بيندهلك
وقلب حزين بيشتاقلك
عيون الليل يا سهرانه
ودبلانه وزعلانه وحيرانه
صوت الفجر بينادى
صلاة الصبح مين جانا؟
قوم يا سيدى واتوكل
نصلى ونمشى ع الأشغال
وندعى المولى يرزقنا
وندعى يسهل الأحوال
يا أرضى يا فايته عشاقك
وقاهره ف غلبه مشتاقك
تعبنا كتير ف أحوالك
وقمنا الليل بندعيلك
يحوش الغمة من ليلك
وتدعى ع اللى باع أرضك
وندعى ع اللى باع نيلك
يا رب يفك لك قيدك
ويرجع لك ف يوم زيدك
وأرجع تانى أدعيلك
يعيش البحر والوادى
وتحيى بجد يا بلادى
يعيش نهرك يعيش سهلك
ويسكن ع الشطوط رملك
ويهجم ع العباد خيرك
ونسمع شقشقة طيرك
ويفرح قلبنا العانى
ونرجع ليكى من تانى
وعلى الباغى تدور دوره
وندعى يا بلد ثوره
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي261
لاتوجد تعليقات