تاريخ الاضافة
السبت، 26 نوفمبر 2016 02:13:00 م بواسطة محمد ابو يوسف
0 269
الخبؤ
كان ياما كان كان فيه خبؤ
قال أنا جى أحنو عليكم
واملى ليكو الدنيا ضى
أصلى جى آخد إيديكم
لما يحب ف يوم يفرط
يقولك أمى موصيانى
ويطلع ع الشاشات يعيط
مره عبري وأمريكانى
كل حاجه ف عهده غليت
إلا روح الناس يا فندم
والبشر من كوعها شربت
والقضا بيسجن ويعدم
والحكومه بجرأه تعلن
والخرفان مصدقينها
الأخلاق بيحاربوا فيها
وكل يوم يتسب دينها
واللى مش عاجبه يغور
البراح يساع ألوف
ياللا بلاد الدنيا واسعه
ياللا إمشى وغيرها شوف
ياللى جى تهد فيها
إنت مش خايف عليها
كل حاجه تتهمنا
إن إحنا أهل شر
وع الدوام عمال تسومنا
من غلاء وويل وقهر
طيب قولى فين وعودك
ياللى خليتها دمار
ياللى بتحن لجدودك
اللى نجمتهم شعار
ياللى جننت ببرودك
العدو قبل الحبيب
ياللى نازل شفط دايما
ع المصارف والجيوب
كل واحد مد إيده
لجل تسرق سلطتك
هييجى يوم مقطوع وريده
ويلعن أم سحنتك
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي269